परभणी : पती घरातून बाहेर गेल्यानंतर एका व्यक्तीने घरामध्ये घुसून महिलेला “तुझी नात कुठे गेली आहे?” अशी विचारणा करून महिलेचा वाईट उद्देशाने हात धरून विनयभंग केला. याचवेळी पती आणि आई घरी आली असता तिघा जणांनी मिळून महिलेच्या पतीला मारहाण केली. सदरील घटना परभणीच्या सेलू तालुक्यातील कुडा येते घडली आहे. या प्रकरणी महिलेने दिलेल्या तक्रारीवरून आरोपी विरोधात चारठाणा पोलीस ठाण्यामध्ये गुन्हा दाखल करण्यात आला आहे. प्रकरणाचा अधिक तपास पोलीस करत आहेत.
परभणीच्या सेलू तालुक्यातील कुडा येथील महिला सकाळच्या सुमारास घरात असताना महिलेचा पती गावामध्ये गेला होता. जिंतूर तालुक्यातील जांब येथील पंडित घुगे हा पीडित महिलेच्या घरामध्ये घुसला त्याने महिलेला “तुझी नात कुठे गेली आहे?” अशी विचारणा केली. यावेळी महिलेने “नात खेळायला बाहेर गेली आहे”, असं सांगितलं असता पंडित घुगे यांनी महिलेचा हात धरून विनयभंग केला.
परभणीच्या सेलू तालुक्यातील कुडा येथील महिला सकाळच्या सुमारास घरात असताना महिलेचा पती गावामध्ये गेला होता. जिंतूर तालुक्यातील जांब येथील पंडित घुगे हा पीडित महिलेच्या घरामध्ये घुसला त्याने महिलेला “तुझी नात कुठे गेली आहे?” अशी विचारणा केली. यावेळी महिलेने “नात खेळायला बाहेर गेली आहे”, असं सांगितलं असता पंडित घुगे यांनी महिलेचा हात धरून विनयभंग केला.
हा सर्व प्रकार सुरू असताना महिलेचा पती आणि आई त्या ठिकाणी आले असता ज्ञानदेव घुगे, लक्ष्मण घुगे या दोघांनी पिडितेच्या पतीला लाथाबुक्क्यांनी मारहाण केली. “तुझी नात आम्हाला दे, नाहीतर जीवे मारुन टाकू”, अशी धमकी दिली. सदर प्रकरणी पंडित घुगे, ज्ञानदेव घुगे, लक्ष्मण घुगे यांच्यावर गुन्हा दाखल करण्यात आला आहे. या प्रकरणाचा तपास रामकिशन कोंडरे करत आहेत.
मुंबईतील उष्मा वाढला, पुढील दोन दिवसांत आणखी तीव्र झळा; राज्यातील हवामान कसे असेल?