पुणे : पुणे – सातारा महामार्गावरील कापूरहोळ गावलगत वाहनांचा विचित्र अपघात झाल्याची घटना समोर आली आहे. सहा वाहने एकमेकांना धडकल्याने हा अपघात झाला आहे. यामध्ये ३ ट्रक, २ टेम्पो आणि १ कार या वाहनांचा समावेश आहे. या घटनेमुळे रस्त्यावर मोठी वाहतूक कोंडी झाल्याचंही पाहायला मिळालं.पुण्याहून साताऱ्याच्या दिशेने जात असताना समोरील वाहनाने अचानक ब्रेक मारल्यानं, मागून येणारी वाहने एकमेकांना धडकली. यामध्ये रस्त्यावर थांबलेले काही प्रवासी किरकोळ जखमी झाल्याची माहिती आहे. यात सुदैवाने कुठलीही जीवितहानी झालेली नसून यात वाहनांचं मोठं नुकसान झालं आहे.
Weather Forecast: राज्यात ३ दिवस यलो अलर्ट; हवामान खात्याकडून ‘या’ जिल्ह्यांना पावसाचा इशारा
दरम्यान, अपघात झाल्यानंतर या मार्गावरची वाहतूक काहीकाळ विस्कळीत झाली होती. पोलिसांनी वाहने बाजूला करुन वाहतूक सुरळीत केली. दरम्यान, या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे.
आयकर विभागाचा कहरच! ८ हजार कमावणाऱ्याला पाठवली नोटीस; असं लिहिलं की वाचून फुटला घाम…
