पर्यायी व्यवस्थेस तांत्रिक मर्यादा
पर्यायी व्‍यवस्‍थेचा पूर्ण क्षमतेने वापर करण्यास तांत्रिक कारणास्‍तव मर्यादा आहेत. त्यामुळे सध्‍या भांडुप संकुल येथे प्रक्रिया होत असलेल्या प्रमाणाइतके पाणी पोहचविणे व प्रक्रिया करणे शक्‍य होणार नसल्याचे मुंबई पालिकेने म्हटले आहे. हे लक्षात घेऊन मुंबई पालिकाक्षेत्रासाठी आणि मुंबई पालिकेतर्फे ठाणे शहरास होणाऱ्या पाणीपुरवठ्यात ३१ मार्चपासून एक महिनाभर १५ टक्के पाणीकपात करण्यात येणार आहे. या कपातीमुळे मुंबईकरांनी पाण्याचा आवश्यक साठा करून ठेवावा, असे आवाहन पालिकेने केले आहे.