जळगाव : मंत्रालयात तसेच रेल्वेत मोठ्या जागेवर सरकारी नोकरी लावून देतो, असे आमिष दाखवत जळगाव शहरातील शिवकॉलनी येथील एका कुटुंबाची तब्बल २२ लाखांना फसवणूक झाल्याचा प्रकार समोर आला आहे. याप्रकरणी रविवार, २६ मार्च रोजी रात्री साडे दहा वाजण्याच्या सुमारास रामानंदनगर पोलीस ठाण्यात तीन जणांविरोधात गुन्हा दाखल झाला आहे. यादरम्यान संबंधितांनी नोकरीच्या ऑर्डरही दिल्या, मात्र त्या बनावट असल्याचे समोर आले आहे.रामानंदनगर पोलीस सुत्रांकडून मिळालेली माहिती अशी की, जळगाव शहरातील शिवकॉलनी येथे प्रविणचंद पांडूरंग दिघोळे हे आपल्या परिवारासह वास्तव्याला आहेत. दिघोळे हे युनायटेड इंन्शुरन्स कंपनीत नोकरीला आहेत. धुळे येथे राहणारा त्याचा मित्र चंद्रभान जवरीलाल ओसवाल व त्याचा लहान भाऊ अनिल जवरीलाल ओसवाल यांच्याशी त्यांची १५ वर्षापासून ओळख आहे. त्यानुसार प्रविणचंद दिघोळे यांचा मुलगा राजकुमार दिघोळे याला मंत्रालयात चांगल्या पदावर नोकरी लावून देतो. आमची मोठ्या पदावरील अधिकाऱ्यांशी ओळख असे सांगून ओसवाल भावडांनी दिघोळे यांचा विश्वास संपादन केला. त्यानुसार सुरुवातीला मंत्रालयात मोठ्या पदावर सरकारी नोकरी लावून देतो असे सांगत ओसवाल भावडांनी २२ लाख रुपये द्यावे लागतील असे प्रवीणचंद दिघोळे यांना सांगितले. त्यानुसार दिघोळे यांनी सुरुवातीला १० मे २०१८ रोजी शिवकॉलनी येथे घरी ९ लाख रूपये दिले.
परमेश्वर महाराजांच्या यात्रेदरम्यान मोठी दुर्घटना, रथाचे दगडी चाक निखळले; २ भाविकांचा मृत्यू
मंत्रालयातील नोकरीची बनावट ऑर्डर दिली
परमेश्वर महाराजांच्या यात्रेदरम्यान मोठी दुर्घटना, रथाचे दगडी चाक निखळले; २ भाविकांचा मृत्यूमंत्रालयातील नोकरीची बनावट ऑर्डर दिली
यावेळी ओसवाल भावडांनी उर्वरित पैसे लवकर द्यायला सांगितले. त्यानुसार दिघोळे यांनी २७ मे २०१८ रोजी पुन्हा ७ लाख रूपये दिले. दरम्यान, नोकरीसाठी जॉईनिंग ऑर्डरची दिली नाही म्हणून ओसवाल बंधुंना फोन केला असता दरवेळी वेगवेगळी कारणे सांगून टाळाटाळ करत होते. याप्रकारे त्यांनी तब्बल दोन वर्षे टाळाटाळ केली. यानंतर १६ फेब्रुवारी २०२१ रोजी चंद्रभान ओसवाल हा दिघोळे यांच्या घरी आला. त्याने मंत्रालय मुंबईच्या नावाने झेरॉक्स असलेली बनावट ऑर्डर दाखविली, पर्यवेक्षक पदावर निवड झाल्याचे सांगत त्याने मुंबईला जावू व जॉईनिंग करु असे सांगितले. त्यानुसार दिघोळे दाम्पत्य मुंबईला गेले. मात्र याठिकाणी साहेब आजारी असल्याचे सांगत ओसवाल यांनी साहेबांशी भेट घडवून आणली नाहीय. त्यामुळे दिघोळे पुन्हा घरी आले.
बुलडाण्यात खळबळ! फिरायला जातो असे सांगून बाहेर पडलेला शिक्षक परतलाच नाही, घडले धक्कादायक
नोकरी न लागल्याने पैशांची मागणी केली, चेक दिलेही, मात्र ते वटलेच नाहीत
त्यानंतर मुंबईला चंद्रभान ओसवाल आणि त्याचा मित्र हरताली प्रसाद रोहिदास यांनी मुलाला रेल्वे ज्युनीयर इंजिनिअर पदावर नोकरी लावून देतो, असे सांगत यासाठी आणखी ६ लाख रुपये लागतील, असे सांगितले. त्यानुसार दिघोळे यांनी हरताली प्रसाद यांच्या खात्यावर ऑनलाईन पध्दतीने रक्कम ट्रान्सफर केली. अशा पध्दतीने ज्युनीयर इंजिनिअर पदाचीही खोटी ऑर्डर संबंधितांनी दिली.
अशा पध्दतीने दिघोळे यांनी वेळोवेळी ओसवाल भावंड व हरताली प्रसाद रोहिदास या दोघांना एकूण २२ लाख रुपये दिले. प्रत्यक्षात नोकरी लागली नाही. दिघोळे यांनी संबंधितांनी आम्हाला आमचे पैसे परत करा अन्यथा नोकरीची ऑर्डर द्या असे सांगितले. चंद्रभान ओसवाल याने वेगवेगळ्या रकमांचे चेक दिले. मात्र हे चेक वटले नाहीत. चेकचा अनादर झाला.
विरोधकांची फक्त टोमणेसभा सुरू आहे, उद्धव ठाकरे गेल्याने फरक पडत नाही; बावनकुळेंचा निशाणा
शेवटी ओसवाल भावंडे व हरताली या तिघांनी आपली फसवणूक केल्याची खात्री झाल्यावर प्रविणचंद दिघोळे यांनी रविवार, २६ मार्च रोजी जळगाव शहरातील रामानंदनगर पेालीस ठाण्यात तक्रार दिली. या तक्रारीवरुन चंद्रभान जवरीलाल ओसवाल, अनिल जवरीलाल ओसवाल आणि हरताली प्रसाद रोहिदास (पत्ता माहित नाही) यांच्या विरोधात रामानंदनगर पोलीस ठाण्यात गुन्हा दाखल करण्यात आला.