पुणे : शिवसेना (उद्धव बाळासाहेब ठाकरे) पक्षाच्या फायर ब्रँड उपनेत्या सुषमा अंधारे या शिंदे गटातील आमदारांवर सडकून टीका करत आहेत. आपल्या महाप्रबोधन यात्रेत त्या सातत्याने शिंदेंसोबत असलेल्या आमदारांवर ‘माझा भाऊ’ म्हणत सडकून टीका करत करत आहेत. यावरून आता शिंदे गटाचे आमदार संजय शिरसाट यांनी सुषमा अंधारे यांचा खरपूस समाचार घेतला आहे. मात्र, अंधारे यांच्यावर टीका करताना शिरसाट यांची जीभ घसरली होती. ‘ती बाई म्हणते सगळेच माझे भाऊ आहेत. सत्तार भाऊ माझेच भाऊ आहेत, भुमरे भाऊ पण माझेच भाऊ आहेत. पण तिने काय-काय लफडी केली आहे, हे तिलाच माहीत.’ अशी टीका शिरसाट यांनी केली होती. ते छत्रपती संभाजीनगर येथे शिवसेना झालेल्या मेळाव्यात बोलत होते.
त्यानंतर संजय शिरसाट यांच्या खालच्या पातळीवरील टीकेला सुषमा अंधारे यांनी देखील जोरदार प्रत्युत्तर दिले आहे. ‘संजय शिरसाटांनी माझ्याबद्दल काहितरी सवंग सुमार शाब्दिक टिप्पणी केल्याचे माध्यमांकडून समजले. इतरांच्या लेकीबाळीकडे, आई किंवा बहिणीच्या नात्याने बघण्यासाठी अंगी शील पारमिता असावी लागते. सत्ता आणि संपत्तीची धुंदी आलेल्या शिरसाट सारख्या लोकांकडे अशी शील पारमिता असण्याची सुतराम शक्यता नाही.’ असा टोला अंधारे यांनी लगावला आहे.
काय म्हणाले होते संजय शिरसाट ?
त्यानंतर संजय शिरसाट यांच्या खालच्या पातळीवरील टीकेला सुषमा अंधारे यांनी देखील जोरदार प्रत्युत्तर दिले आहे. ‘संजय शिरसाटांनी माझ्याबद्दल काहितरी सवंग सुमार शाब्दिक टिप्पणी केल्याचे माध्यमांकडून समजले. इतरांच्या लेकीबाळीकडे, आई किंवा बहिणीच्या नात्याने बघण्यासाठी अंगी शील पारमिता असावी लागते. सत्ता आणि संपत्तीची धुंदी आलेल्या शिरसाट सारख्या लोकांकडे अशी शील पारमिता असण्याची सुतराम शक्यता नाही.’ असा टोला अंधारे यांनी लगावला आहे.
‘अन् ज्याच्या ठायी शील पारमिता नाही ती व्यक्ती बाबासाहेबांचा अनुयायी तरी असु शकते का असा प्रश्न उरतोच. उलटपक्षी शिरसाटच्या बोलण्यातून महाराष्ट्रातील लेकिबाळीकडे बघण्याची त्यांची दृष्टी किती गलिच्छ आणि विकृतीने बरबटलेली आहे याचाच त्यांनी पुरावा दिला. म्हणुनच मला शिरसाठ यांच्या बोलण्याचा राग आला नाही. उलट स्वतः ची वैचारिक लायकी दाखवून दिल्या बद्दल त्यांचें अभिनंदन.’, अशी टीका सुषमा अंधारे यांनी संजय शिरसाट यांच्यावर केली आहे. ‘संजय सिरसाट खोक्यांसाठी काहीही झालं असलं तरी राजकारणात प्रत्येक जण थोड्या बहुत शुचिता पाळून असते असा माझा ठाम विश्वास आहे. परंतु तुमची आजची भाषा ऐकल्यावर लक्षात आले भाऊ म्हणून घ्यायला सुद्धा एक लायकी लागते..! …अन मुख्यमंत्र्यांनी तुमची पुरती ओळखलेली आहे.’ असेही सुषमा अंधारे म्हणाल्या.
अमृतांना ब्लॅकमेल हे गृहमंत्री फडणवीसांचे अपयश, गुजरातची मदत घ्यावी, सुषमा अंधारेंचा टोला
काय म्हणाले होते संजय शिरसाट ?
‘ती बाई म्हणते सगळेच माझे भाऊ आहेत. सत्तार भाऊ माझेच भाऊ आहेत, भुमरे भाऊ पण माझेच भाऊ आहेत. पण तिने काय-काय लफडी केली आहे, हे तिलाच माहीत. अरे पण तू आहे तरी कोण? आम्ही आमची ३८ वर्षे शिवसेनेसाठी घालवली. आता तुम्ही येऊन आम्हाला मार्गदर्शन करताय आणि काही उरलेले लोक टाळ्या वाजवत आहेत.’