पुणे : पानशेत धरण खोऱ्यातील वरघड येथे भाविकांच्या रिक्षावर उन्मत रानडुक्कराने अचानक हल्ला करत जोरदार धडक दिल्याची घटना घडली आहे. ही धडक एवढी जोरात होती की, रिक्षाने तीन वेळा पलटी मारत ती चारशे फूट खोल दरीत कोसळली. या अपघातात एक भाविक जागीच ठार झाला आहे, तर रिक्षा चालकासह दोघेजण गंभीर जखमी झाले आहेत. भागुजी धाऊ मरगळे ( वय ६०, सध्या राहणार नसरापूर,मुळ राहणार शिरकोली ,ता.वेल्हे ) असे मृत झालेल्या व्यक्तीचे नाव आहे. तर पांडुरंग धाऊ मरगळे ( वय ४५ ,रा.शिरकोली , सध्या राहणार डोणजे) हा गंभीर झाला असून रिक्षा चालक सुरेश कोंडीबा ढेबे ( वय रा.पोळे,ता.वेल्हे )
व अशोक बबन मरगळे ( वय ३१ रा. शिरकोली) अशी इतर दोन जखमींची नावे आहेत.
व अशोक बबन मरगळे ( वय ३१ रा. शिरकोली) अशी इतर दोन जखमींची नावे आहेत.
याबाबत मिळालेली अधिक माहिती अशी की, मृत भागूजी मरगळे हे त्याच्या चुलत पुतण्यासह शुक्रवारी मध्यरात्री दीड वाजण्याच्या सुमारास
पानशेत धरणा जवळील वेल्हे- कादवे खिंडीतील कच्च्या रस्त्याने वरघड येथील जोगाबा देवस्थानकडे चालले होते. उंच डोंगरमाथ्यावरील कच्च्या रस्त्याने मंदगतीने रिक्षा चालली होती. त्याचवेळी अचानक रस्त्यावर एक रानडुक्कर वेगाने धावत आले. त्या रानडुकराने रिक्षाला जोरात धडक दिली. रिक्षाला दिलेली धडक एवढी जोरात होती की रिक्षा तीन पलटी खाऊन दरीत कोसळली.
नवी मुंबईतील दर्ग्याकडे मनसेचे बोट, हे अनधिकृत बांधकाम तोडा अन्यथा…; गजानन काळेंचा इशारा
या अपघातात रिक्षात मागे बसलेले भागूजी आणि पांडुरंग मरगळे खोल दरीत फेकले गेले. त्यामुळे भागूजी यांच्या डोक्याला जबर मार लागून त्यांचा जागेवर मृत्यू झाला. तर रिक्षा चालक सुरेश ढेबे व अशोक मरगळे हे प्रसंगावधानतेने आडरानात उड्या मारून बाहेर पडले.
घटनेची माहिती मिळताच वेल्हे पोलिस घटनास्थळी दाखल झाले. त्यानंतर रिस्क्यू टीमच्या मदतीने मध्यरात्रीच्या सुमारास दोरीच्या सह्याने ऑपरेशन सूरू केले. खोल दरीत उतरत त्यांनी मयत आणि जखमी व्यक्तीला अथक प्रयत्नानंतर बाहेर काढले. तानाजी भोसले यांच्या मार्गदर्शनाखाली ही मोहीम पार पाडण्यात आली. वेल्हे पोलिसांकडून अद्याप कोणतीही नोंद करण्यात आली नसून अधिक तपास पोलीस करत आहेत.मुंबई महापालिकेचा कॅग अहवाल सादर; बीएमसीवर ताशेरे, फडणवीसांचा इशारा, ठाकरे गटाची ही मागणी