दरम्यान, पीडितेने नकार दिल्याने तिच्यावर दोन पुरुषांनी जबरदस्ती केल्याचा संतापजनक प्रकार उघडकीस आला आहे. आरोपी महिला आणि तिच्या मित्रांनी पीडित महिलेवर चोरीचा आळ घेऊन शिवीगाळ करत मारहाण केली. पीडितेने कशीतरी स्वत:ची सुटका करुन घेत तेथून पळ काढला. पीडित महिलेने तात्काळ या प्रकरणी सहकारनगर पोलीस ठाण्यात एक महिला आणि तिच्या दोन पुरुष साथीदारांवर विनयभंगाचा गुन्हा दाखल केला आहे. ही घटना बालाजीनगर धनकवडी येथील एका कॉम्पलेक्समध्ये घडली. याबाबत ३८ वर्षीय महिलेने फिर्याद दिली आहे.
पोलिसांनी दिलेल्या माहितीनूसार, फिर्यादी महिला या केअर टेकरचे काम करतात. तर आरोपी महिला ही फिर्यादी महिलेची मैत्रिण आहे. तिने फिर्यादी महिलेला ९ मार्च रोजी रात्री १० वाजेच्या सुमारास आपल्या घरी बोलावून घेतले. तेव्हा तेथे तिचे आरोपी महिलेचे दोन पुरुष मित्र उपस्थित होते. आरोपी महिलेने पीडितेस “तू त्या दोघांना खूप आवडतेस, त्यांच्यासोबत शारिरीक संबंध ठेव. मी त्यांना ४ ते ५ हजार रुपये देण्यास सांगते”, असं सांगितलं.
परंतू पीडितेने नकार देताच आरोपी महिलेने पीडितेवर पैसे चोरल्याचा आरोप लावत भांडण केलं. पीडिता खोलीतून बाहेर येताच दोघंही पुरुष आरोपींनी तिचा विनयभंग करत मारहाण केली. पीडितेने आपली सुटका करत तेथून पळ काढला.
शासकीय दवाखान्यातील डॉक्टरला लाच स्वीकारताना रंगेहात पकडले, कारण जाणून तुम्हाला कीव करावीशी वाटेल