धाराशिव : शासकीय दवाखान्यात भाडेतत्त्वावर लावलेल्या दोन गाड्यांच्या लॉग बुकवर सही करण्यासाठी वैद्यकीय अधिकारी म्हणून कार्यरत असलेल्या एका डॉक्टरने लाच मागितली. तर त्याच्या सेवकाने ७ हजार रुपयांची लाच स्विकारली. त्यामुळे त्या दोघा लाचखोरांवर लाचलुचपत प्रतिबंध कायद्यांतर्गत गुन्हा नोंद करण्यात आला आहेत.
यावेळी सापळा लावलेल्या पोलिसांनी थोरात यांना रंगेहात पकडून राठोड व थोरात यांच्या विरोधात लाचलुचपत प्रतिबंधक गुन्हा नोंद व कलम पोलीस ठाणे, उमरगा गु.र.नं १३१ / २०२३ कलम ७ प्र अधि. सन १९८८ नुसार गुन्हा दाखल करण्यात आला आहे. तक्रारदार यांच्या उपजिल्हा रुग्णालय उमरगा येथे भाडेतत्वावर लावलेल्या दोन गाड्यांचे ६ महिन्यांचे बिल काढण्यासाठी आवश्यक असलेल्या लॉग बुकवर सही करण्यासाठी डॉ राठोड यांनी तक्रारदारांकडे ७ हजार रुपयांच्या लाचेची मागणी केली. तर लाचेची रक्कम सेवक थोरात यांनी पंचा समक्ष स्विकारली. ती रक्कम स्विकारताना रंगेहात पकडल्याने व डॉ राठोड यांनी लाच मागितल्याचे मान्य केल्याने डॉ राठोड व सेवक थोरात यांच्या विरोधात गुन्हा दाखल करण्यात आला आहे.
सोलापुरात टोळक्याचा धुडगूस, लव जिहादच्या संशयावरून तरुणास बेदम मारहाण, तरुणीने दिला हा जबाब
ही कारवाई छत्रपती संभाजीनगर येथील लाचलुचपत प्रतिबंधक विभागाचे पोलिस अधीक्षक संदीप आटोळे, अपर पोलीस अधीक्षक विशाल खांबे, उस्मानाबाद कार्यालयाचे पोलीस उप अधीक्षक सिध्दाराम म्हेत्रे यांच्या मार्गदर्शनाखाली पोलीस निरीक्षक विकास राठोड, पोलीस अंमलदार इफतेकार शेख, मधुकर जाधव, विशाल डोके यांनी केली आहे.
चंद्रकांतदादांची ती ऑफर, राजू शेट्टी यांनी दिला तातडीने नकार, दादांच्या प्रयत्नांना घातला खो