महापुरावेळी चितळे रसुवागढीत

शुक्रवारी सकाळी, ‘नेपाळ माउंटेनियरिंग असोसिएशन’चे बचाव पथक नेपाळ-तिबेट (चीन) सीमेवरील त्या आपत्तीग्रस्त ठिकाणी पोहोचले. हा पूर आला तेव्हा रसुवागढी इमिग्रेशन केंद्रावर एकूण ६४४ व्यक्ती उपस्थित होत्या. यामध्ये ५१७ परदेशी नागरिक, ज्यात भारतीय नागरिकांचाही समावेश आहे, आणि १२७ नेपाळी नागरिकांचा समावेश होता. डॉ. मिलिंद चितळे यांचा गट याच इमिग्रेशन केंद्रावर उपस्थित होता. बचाव पथकाच्या पाहणीतील माहितीनुसार कस्टम्स आणि इमिग्रेशन केंद्रावर असलेल्या यात्रेकरुंना पुराचा गंभीर फटका बसला आहे असे निवेदनात म्हटले आहे. ही परिस्थिती अत्यंत गंभीर असल्याचेही त्यांनी सांगितले.

Sanjana Agarwal : खूप गिल्टी वाटतंय, रक्षाबंधनाला केतनच्या आठवणीत संजनाला अश्रू अनावर, सियाला मिळणाऱ्या VIP ट्रीटमेंटचं कारण सांगितलं

कुणालाही सुरक्षित बाहेर काढलेलं नाही

या इमिग्रेशन केंद्रावरून कोणत्याही नेपाळी कर्मचाऱ्याचा शोध लागलेला नाही किंवा त्यांना सुरक्षित बाहेर काढता आलेले नाही. चीनचे बचाव पथक, नेपाळ लष्कर, नेपाळ पोलीस आणि नेपाळ माउंटेनियरिंग असोसिएशन आपत्तीग्रस्त ठिकाणी शोध आणि बचाव कार्य करत आहेत. त्याच वेळी, आपत्तीग्रस्त ठिकाणापर्यंत पोहोचणे कठीण झाले असून त्या भागात केवळ बचाव पथकांनाच जाण्याची परवानगी आहे. व्हिडिओमध्ये दिसत असलेल्या नेपाळ-तिबेट/चीन सीमेवरील आपत्तीग्रस्त ठिकाणाहून कोणालाही वाचवण्यात किंवा सुरक्षित बाहेर काढण्यात यश आलेले नाही, असे शुक्रवारी संध्याकाळी हिल्स अँड ट्रेल्सचे प्रा. चारुहास जोशी आणि रिचा ट्रेक्सचे सांगे गुरांग यांनी जारी केलेल्या निवेदनात म्हटले आहे.

Shiv Sena vs BJP : शिवसेनेकडील खात्यांमध्ये CMO ची ढवळाढवळ, मंत्र्यांची शिंदेंकडे जाहीर नाराजी, रिक्षाचालकांच्या मराठीला मुदतवाढ मिळताच कडेलोट
मुंबईतील अंधेरीचे रहिवासी असलेले डॉ. मिलिंद चितळे हे व्यावसायिक डॉक्टर आहेत. तसेच ते अव्वल गिर्यारोहकही आहेत. त्यांना हिमालयातील मोहिमांचा दांडगा अनुभव आहे. त्यांनी कांचनजुंगा सर केले असून त्यांना गिर्यारोहणातील कामगिरीसाठी गिरिमित्र पुरस्काराने सन्मानितही करण्यात आले होते. काश्मीरपासून नेपाळपर्यंत अनेक सहलींचे आयोजन करण्यातही त्यांचा हातखंडा आहे.