विधानसभा अध्यक्ष राहुल नार्वेकर यांनी शिवसेना आमदार अपात्रतेच्या प्रकरणात दिलेल्या निकालाच्या विरोधात दाखल याचिकेवर सुप्रीम कोर्टात सुनावणी पार पडली. यावेळी ठाकरे गटाचे वकील कपिल सिब्बल यांनी विधानसभा अध्यक्षांनी अधिकारांच्या मर्यादा ओलांडल्याचा युक्तिवाद केला. त्यावर आता राहुल नार्वेकरांची पहिली प्रतिक्रिया समोर आली आहे.
राहुल नार्वेकर नेमकं काय म्हणाले?
“कपिल सिब्बल हे आपल्या अशिलासाठी युक्तिवाद करत आहेत, हे स्वाभाविक आहे. त्यांना जी बाजू मांडायची आहे, ती ते मांडतील. परंतु कपिल सिब्बलांचं मत म्हणजे कोर्टाचं मत नाही. मी दिलेला निर्णय हा कायद्याच्या चौकटीत राहून आणि सर्वोच्च न्यायालयाने घालून दिलेल्या निकषांच्या आधारे दिलेला आहे. त्या निकषांच्या आधारावर दिलेला हा निर्णय आहे. त्यामुळे मला खात्री आहे की हा निर्णय टिकून राहील”, असे राहुल नार्वेकर म्हणाले.
विधीमंडळ आणि राजकीय पक्षाच्या युक्तिवादावर काय म्हणाले?
शिवसेना पक्षातील विधिमंडळ पक्ष आणि सभागृहाबाहेरील राजकीय पक्ष यांच्यातील फरकावरही कपिल सिब्बल यांनी केलेल्या भाष्याबाबत नार्वेकर यांना विचारले असता, यावर त्यांनी हा विषय न्यायालयीन असल्याने त्यावर अधिक भाष्य करणं योग्य ठरणार नसल्याचं सांगितलं. मात्र, विधिमंडळ पक्ष आणि राजकीय पक्ष यांच्यातील फरक सर्वोच्च न्यायालयानेही मान्य केला असल्याचं त्यांनी स्पष्ट केलं.
“सभागृहातील पक्ष आणि सभागृहाबाहेरील पक्ष म्हणजेच लेजिस्लेटिव्ह पार्टी आणि पॉलिटिकल पार्टी यांच्यामधील फरक सर्वोच्च न्यायालयानेदेखील ओळखला आहे आणि त्यावर भाष्य केलं आहे. आम्हीही आमच्या निर्णयामध्ये हा फरक स्वीकारलेला आहे. पक्षाच्या आधारावर निर्णय का देण्यात आला, याची स्पष्टता त्या निर्णयामध्ये आहे”, असं राहुल नार्वेकर यांनी सांगितले.
Shiv Sena Hearing : मुख्य नेता हे पद पक्षाच्या संविधानात आहे का? सुप्रीम कोर्टाचा सवाल, कपिल सिब्बल यांचा जोरदार युक्तिवाद
ट्रिपल टेस्टच्या आधारे निर्णय घेतल्याचा दावा
एकनाथ शिंदे गटाच्या नेतेपदासंदर्भातील निर्णयाबाबतही राहुल नार्वेकर यांनी सर्वोच्च न्यायालयाने सांगितलेल्या ‘ट्रिपल टेस्ट’चा आधार घेतल्याचं स्पष्ट केलं. संघटनेची रचना, घटनात्मक पक्ष आणि विधिमंडळ पक्ष या तीन बाबींचा विचार करूनच निर्णय घेण्यात आला आहे. सर्वोच्च न्यायालयाने ट्रिपल टेस्ट फॉर्म्युला दिलेला आहे. त्या आधारावर जे योग्य आहे, तो निर्णय घेतलेला आहे. सर्वोच्च न्यायालयाने सांगितलं, आपण ऑर्गनायझेशन स्ट्रक्चर बघा, आपण कॉन्स्टिट्यूशनल पार्टी बघा आणि लेजिस्लेटिव्ह पार्टी बघा, या सर्व बाबींची विचार करूनच हा निर्णय घेतला गेला आहे. असे नार्वेकर म्हणाले.
आपण घेतलेला निर्णय शाश्वत, राहुल नार्वेकर यांची प्रतिक्रिया
दरम्यान, हे प्रकरण न्यायालयीन असल्याने त्यावर अधिक भाष्य करण्यास राहुल नार्वेकर यांनी नकार दिला. मात्र, आपण दिलेला निर्णय कायदेशीर निकषांवर आधारित असून तो शाश्वत असल्याचा विश्वास त्यांनी व्यक्त केला. त्यामुळे कपिल सिब्बल यांच्या युक्तिवादाच्या पार्श्वभूमीवर नार्वेकर यांनी आपल्या निर्णयाचा बचाव करत तो सर्वोच्च न्यायालयाच्या निकषांनुसारच असल्याचं ठामपणे स्पष्ट केलं आहे.
लेखकाबद्दलचेतन पाटीलचेतन पाटील महाराष्ट्र टाइम्स ऑनलाइनमध्ये डिजीटल कंटेट प्रोड्यूसर म्हणून कार्यरत आहेत. ते महाराष्ट्र टाइम्स ऑनलाइन इथे सेकंड शिफ्ट इंचार्ज म्हणून जबाबदारी सांभाळत आहेत. महाराष्ट्र, देश, विदेश, राजकीय, क्रीडा, मनोरंजन अशा विविध बीटच्या बातम्या लिहिण्याचा त्यांना अनुभव आहे. एखादी मोठी बातमी कमी वेळात सर्वात आधी ब्रेक करण्याचं त्यांचं कसब आहे. ब्रेकिंग आणि महत्त्वाच्या बातम्या कमी वेळात लिहून ते अपलोड करण्यात ते पारंगत आहेत. पण कुठलीही बातमी ब्रेक करताना तिची सत्यता पडताळणी केल्याशिवाय ते ती बातमी पुढे जाऊ देत नाहीत. पत्रकार म्हणून त्या बातमीची शहानिशा करणं ही आपली प्राथमिक जबाबदारी असल्याचं चेतन पाटील मानतात.
डिजीटल पत्रकारितेच्या या अवाढव्य मोठ्या विश्वावात पत्रकाराने एक माणूस म्हणून योग्य जबाबदारी पार पाडणं जास्त आवश्यक आहे. त्यामुळे केवळ क्लिकबेट हेडिंग करुन वाचकांची दिशाभूल न करता पत्रकारितेचं नैतिक मूल्य अंगीकारण्यावर त्यांचा भर असतो. त्यामुळे कोरोना संकट काळ असले, विधानसभा, लोकसभा किंवा स्थानिक स्वराज्य संस्थांच्या निवडणुकीचा काळ असेल, एकनाथ शिंदे यांचं शिवसेनेतील बंड असेल, शिवसेना आणि राष्ट्रवादी काँग्रेस पक्षांचा न्यायालयीन खटला असेल, भारत-पाकिस्तान युद्धजन्य स्थिती असेल, भारत-चीन सीमेवरील गलवान खोऱ्यातील संघर्ष असेल, दिल्लीच्या सीमेवरील शेतकऱ्यांचं आंदोलन असेल, त्यानंतर शेतकऱ्यांच्या आंदोलनाला आलेलं हिंसक वळण असेल, महाराष्ट्रात मराठा समाजाचे नेते मनोज जरांगे पाटील यांचं आंदोलन असेल, मराठा आरक्षणाचे आंदोलन असेल, कष्टकरी आणि शेतकऱ्यांची विविध आंदोलने असतील, विविध सामाजिक आणि राजकीय घटना असतील, ते त्या घटनांचं वृत्तांकन करताना पत्रकारितेच्या नैतिक मुल्यांचं अतिशय काटेकोरपणे पालन करण्याचा प्रयत्न करतात.
चेतन पाटील यांना पत्रकारितेत जवळपास 9 वर्षांचा अनुभव आहे. पत्रकारितेचं पदवी शिक्षण घेत अतानाच त्यांना भिवंडी महापालिका निवडणूक काळात एका पॉलिटीकल पीआर कंपनीसोबत काम केल्याचा अनुभव आहे. त्यानंतर लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा नामांकीत वृत्त संस्थांमध्ये काम केल्याचा अनुभव आहे. आपलं महानगरमध्ये काम करत असताना त्यांनी यूट्यूबवर आयपीएलच्या मोसमात महिनाभर विश्लेषणाचे व्हिडीओ बनवले होते. तसेच ते महाराष्ट्र टाइम्स ऑनलाईन इथेदेखील विविध राजकीय घडामोडींचे विश्लेषण करणारे व्हिडीओ बनवत असतात.
चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट झाला आहे. त्यांच्या एका बातमीमुळे धुळे बस स्टॅण्डवर फिरणाऱ्या एका निराधार वृद्ध महिलेला खूप मोठी मदत झाली होती. महाविकास आघाडी सरकारने सीबीएसई आणि आयसीएसई बोर्डातील शाळांमध्ये मराठी भाषेचं शिक्षण सक्तीचं केलं होतं. पण कोरोना काळानंतर अचानक या निर्णयावर घुमजाव केल्याचं बघायला मिळालं होतं. त्यावेळी चेतन पाटील यांनी ‘आपुल्याच घरात हाल सोसते मराठी’ या मथळ्याखाली बातमी लाहिली होती. ही बातमी महाराष्ट्र एकीकरण समितीने रिट्विट करत मोठा मुद्दा उपस्थित केला होता. अखेर या मुद्द्यावरुन वातावरण तापल्यानंतर तत्कालीन शालेय शिक्षण मंत्र्यांना यावर स्पष्टीकरण द्यावं लागलं होतं. निर्णय मागे घेतला नसून काही वर्ष मराठी भाषेचे श्रेणीतून गुण दिले जातील, असं त्यांनी स्पष्ट केलं होतं. जीआर काढताना अधिकाऱ्यांकडून चूक झाल्याचं त्यांनी स्पष्ट केलं होतं.
चेतन पाटील यांनी लिहिलेल्या बातमीमुळे गडचिरोली येथील सीमाभागातील स्थानिक नागरिकांचा पाण्याचा प्रश्न सुटला होता. त्या भागातील स्थानिकांना पिण्याचं पाणी आणण्यासाठी खूप पायपीट करावी लागत होती. चेतन पाटील यांना स्थानिक पत्रकारांनी या घटनेची माहिती दिल्यानंतर त्यांनी खोलवर सविस्तर विषयाची माहिती गोळा करत बातमी केली होती. त्यांच्या या बातमीची दखल तत्कालीन मुख्यमंत्र्यांनी घेतली होती. विशेष म्हणजे बातमी प्रकाशित केल्यानंतर अवघ्या 15 दिवसांनी त्या भागातील नागरिकांच्या पाण्याचा प्रश्न सुटल्याची बातमी चेतन पाटील यांनी केली होती.
चेतन पाटील यांनी कल्याणच्या नामांकीत बिर्ला महाविद्यालयातून BMM (Bachelor Of Mass Media in Journalism) म्हणजेच पत्रकारितेतून पदवी शिक्षण घेतलं आहे. त्याआधी त्यांचं दहावीपर्यंतचं शिक्षण हे कल्याणच्या रॉयल हायस्कूल इथे झालं आहे. शालेय जीवनात त्यांना मराठी, हिंदी आणि गणित विषयाची विशेष गोडी होती. त्यांना लहानपणापासून कविता वाचनाचा छंद होता. त्यांनी अकरावी आणि बारावीचं शिक्षण हे विज्ञान शाखेतून केलं. पण बारावीनंतर त्यांना पत्रकारितेची वाट खुणावू लागली. त्यामुळे त्यांनी कल्याणच्या बिर्ला महाविद्यालयातून पत्रकारितेतून पदवी शिक्षण घेतलं.
महाविद्यालयीन शिक्षण घेत असताना त्यांनी विविध उपक्रमांमध्ये भाग घेतला आहे. त्यांना नाट्य आणि चित्रपट क्षेत्राविषयी नेहमीच आकर्षण राहिलं आहे. त्यामुळे त्यांनी महाविद्यालयीन शिक्षण घेत असताना जलरंग तापी नाट्य संस्थेसोबत अहिराणी आणि मराठी नाटकांमध्ये काम केलं आहे. त्यांनी राज्य नाट्य स्पर्धेत सहभाग घेतला आहे. त्यांनी ‘नटसम्राट’ नाटकात केलेल्या बूट पॉलिश करणाऱ्या राजाची भूमिका खूप गाजली होती. त्यावेळी त्यांच्या अभिनयाचं खूप कौतुक झालं होतं.
चेतन पाटील यांना कविता लिहिण्याचा आणि त्या सादर करण्याचा देखील छंद आहे. तसेच ज्येष्ठ आणि दिग्गज कवींच्या गाजलेल्या कविता सादर करण्याची देखील त्यांना आवड आहे. चेतन पाटील यांनी लिहिलेल्या ‘भगतसिंग’ कवितेची निवड ही ८९ व्या अखिल भारतीय मराठी साहित्य संमेलनात कवी कट्टा कार्यक्रमात वाचनासाठी झाली होती. चेतन पाटील यांचं आतापर्यंतचं आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.… आणखी वाचा