Mumbai Local : CSMT फास्ट लोकलच्या लेडीज फर्स्ट क्लासमध्ये डाऊन मारण्यावरुन वाद, महिलेने सहप्रवाशांवर पेपर स्प्रे फवारल्याने गोंधळ

धावत्या लोकलमध्ये क्षुल्लक कारणांमुळे दोन प्रवाशांना जीव गमवावा लागल्याच्या घटनांनंतरही प्रवाशांमधील क्रोधाग्नी शांत झालेला नाही. लोकलमध्ये प्रवाशांचा संताप अनावर होऊन हाणामारीच्या घटनांची मालिका कायम आहे. हाणामारी, सहप्रवाशावर पेपर स्प्रे फवारणी, हातात काठी घेऊन प्रवाशांमध्ये दहशत पसरवणे, अशा तीन घटना गुरुवारी उघडकीस आल्या. तर, हाणामारीच्या चौथ्या घटनेचा व्हिडीओ व्हायरल झाला असून, तो नेमका कुठला, याचा शोध सुरू आहे.