Nashik News: जिल्हा रुग्णालय, मालेगावातील सामान्य रुग्णालय, उपजिल्हा व ग्रामीण रुग्णालयांसह जिल्हाभरातील ३२ सरकारी रुग्णालयांमध्ये श्वानदंशावर उपचार दिले जातात.
शहरातील उपनगरांसह जिल्ह्यातही अनेक ठिकाणी भटक्या कुत्र्यांचा उपद्रव वाढला आहे. झुंडीने फिरणाऱ्या कुत्र्यांनी लहान मुले आणि ज्येष्ठ नागरिकांवर हल्ला केल्याच्या घटना गेल्या महिन्यात सिडको परिसरात घडल्या. मार्च ते मे या प्रजनन हंगामात श्वानदंशाच्या घटना वाढतात, त्यामुळे रुग्णांचा ओघही वाढतो.
Shivsena UBT: ठाकरे गटाबाबत कल्लोळ! नगरसेवकफुटीचे पक्षाकडून खंडन; सर्व 15 नगरसेवक सोबतचा दावा
श्वानदंशावर वेळीच आणि योग्य उपचार घेतले नाहीत, तर रेबीजसारखा गंभीर आजार होण्याचा धोका वाढतो. जानेवारी ते जून २०२६ या सहा महिन्यांत १० हजार ४५५ जणांनी सरकारी रुग्णालयांमध्ये श्वानदंशावर उपचार घेतले आहेत. विशेष म्हणजे गतवर्षी सर्वाधिक ४३ हजार ३९ जणांनी उपचार घेतले होते. गेल्यावर्षी १२, तर या सहा महिन्यांत ३ जणांचा रेबीजमुळे मृत्यू झाल्याची धक्कादायक माहिती अधिकृत सूत्रांनी दिली आहे.
यंदा श्वानदंशात निम्मी घट
जानेवारी २०२३ ते डिसेंबर २०२५ या तीन वर्षांत जिल्ह्यात ९८ हजार ५७१ जणांनी श्वानदंशावर उपचार घेतले आहेत. म्हणजेच सरासरी दररोज ९० जणांना श्वानदंशावर उपचार देण्यात आले. गेल्यावर्षी हे प्रमाण आणखी वाढले. जानेवारी ते डिसेंबर २०२५ या संपूर्ण वर्षात दररोज सरासरी ११७ रुग्णांनी श्वानदंशावर उपचार घेतले होते. तर यंदा १ जानेवारी ते ३० जून २०२६ या सहा महिन्यांत दररोज सरासरी ५८ जणांनी उपचारांसाठी सरकारी रुग्णालयांमध्ये धाव घेतली.
Suhas Kande On Bhujbal: भुजबळांच्या खात्यात घोटाळा! आमदार सुहास कांदेंचा गंभीर आरोप, विधिमंडळाच्या पायऱ्यांवर आंदोलन
श्वानदंश आणि रेबीजची लागण
वर्ष -रुग्ण -रेबीज रुग्ण -मृत्यू
२०२३-२४ —-२६,२५१ —-३ —-१
२०२४-२५ —-२९,२८१ —-४ —-४
२०२५-२६ —-४३,०३९ —-१४ —-१२
जानेवारी ते जून २०२६ —-१०,४५५ —-४ —-३
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा