ढगफुटीचा अंदाज हवामान खात्याने वर्तविला

जिल्ह्यात मंगळवारी अति मुसळधार पावसाचा म्हणजेच ढगफुटीचा अंदाज हवामान खात्याने वर्तविला आहे. या पार्श्वभूमीवर जिल्ह्यात ‘हाय अलर्ट’ जारी करण्यात आला आहे. जिल्हाधिकारी प्रसाद यांनी तातडीची पत्रकार परिषद घेऊन नियोजनाबाबतची सविस्तर माहिती दिली. यावेळी जिल्हा परिषदेचे मुख्य कार्यकारी अधिकारी ओमकार पवार, पोलिस अधीक्षक डी.एस. स्वामी, जिल्हा आपत्ती व्यवस्थापन अधिकारी श्रीकृष्ण देशपांडे आदी उपस्थित होते. संभाव्य ढगफुटीचा मुख्य केंद्रबिंदु नाशिक शहराचा पश्चिम भाग अर्थात त्र्यंबकेश्वर, इगतपुरी आणि नाशिक तालुक्याचा परिसर असणार आहे.
Lonavala News : लोणावळ्यात कलम 163 लागू, मुसळधार पावसाने संभाव्य धोका लक्षात घेता निर्बंध लागू

नोकदारांनी ‘वर्क फ्रॉम होम’ करावे

आपत्ती टाळण्यासाठी नागरिकांनी घराबाहेर पडू नये, नोकदारांनी ‘वर्क फ्रॉम होम’ करावे, असं आवाहन महापौर हिमगौरी आहेर-आडके, महापालिका आयुक्त मनीषा खत्री यांनी केले आहे. शहरात जोरदार पाऊस, वाऱ्यामुळे झाडे, इमारती कोसळणे, पूरस्थिती, पाणी साचणे, रस्ते खचणे, चिखल साचणे आदी आपत्कालीन घटना घडल्यास तत्काळ मदतकार्यासाठी महापालिकेच्या सहाही विभागांत ‘मान्सून टास्क फोर्स’ सज्ज ठेवण्यात आली आहे. खुद्द मुख्यमंत्री देवेंद्र फडणवीस यांनी सोमवारी नाशिक, त्र्यंबकबाबत ‘हाय अलर्ट’ जारी केल्याने महापौर, आयुक्तांनी संयुक्त पत्रकार परिषद घेत नाशिककरांना पुरेशी खबरदारी घेण्याचे आवाहन केले.

मंगळवार उजाडताना सोमवारी मध्यरात्री एक वाजेपासून ढगफुटीसदृश पावसाला सुरुवात होऊन सकाळी दहा वाजेपर्यंत पावसाचे अक्राळविक्राळ रुप कायम राहण्याचा अंदाज आहे. या कालावधीत धरक्षेत्रात कोसळणाऱ्या पावासामुळे जलपातळीत वाढ होऊन गंगापूर धरणांतून मोठा विसर्ग केला जाण्याची शक्यता आहे. परिणामी गोदावरीसह उपनद्यांना पूरपरिस्थिती निर्माण होईल. मंगळवारी रात्रीपर्यंत पूरस्तितीत वाढ होण्याचा धोका आहे. त्यामुळे मुख्यमंत्र्‍यांच्या निर्देशांनुसार महापालिका क्षेत्रातील सर्व शाळा-महाविद्यालये बंद ठेवण्याचा निर्णय घेण्यात आला आहे. यावेळी उपमहापौर विलास शिंदे, स्थायी समितीचे सभापती मच्छिंद्र सानप, शिवसेना (शिंदे गट) गटनेते अजय बोरस्ते, शिवसेना (उबाठा) गटनेते केशव पोरजे, अतिरिक्त आयुक्त अतिम रंजन आदी उपस्थित होते.
Thane News : गायमुख मेट्रो स्थानकाचे पत्रे निखळले, मेट्रो सुरु होण्याआधीच दुर्घटना, सुदैवाने जीवितहानी नाही

विद्यापीठाच्या परीक्षा नियोजनात बदल

पावसाच्या पार्श्वभूमीवर सावित्रीबाई फुले पुणे विद्यापीठाने नाशिक जिल्ह्यातील परीक्षा नियोजनात बदल केला आहे. ७ जुलैला होणाऱ्या विद्यापीठाच्या सकाळ व दुपारी अशा दोन्ही सत्रातील परीक्षा पुढे ढकलण्यात आल्या आहेत. आरोग्यविज्ञान विद्यापीठानेही परीक्षा पुढे ढकलल्या आहेत.

नदीकाठावरील नागरिकांचे स्थलांतर

नदीकाठच्या नागरिकांना सुरक्षित स्थळी स्थलांतराचे आवाहन करण्यात आले आहे. काझीगढी येथील नागरिकांचे आवश्यकता भासल्यास स्थलांतर करण्यात येईल. धोकादायक इमारतीत राहणाऱ्या नागरिकांनीही सुरक्षित स्थळी आसरा घ्यावा. महापालिकेची निवारागृहे सज्ज ठेवण्यात आली आहेत. आवश्यकता भासल्यास आपत्कालीन कक्षाच्या हेल्पलाइन क्रमांकावर संपर्क साधावा, असे आवाहन महापौर, आयुक्तांनी केली केले आहे.
Mumbai-Pune Railway : मुंबई-पुणे रेल्वे मार्गावर दरड कोसळली, अनेक गाड्या रद्द, अनेक गाड्यांचे मार्ग बदलले, वाचा A टू Z

‘सिटीलिंक’च्या बससंख्येत घट

अतिवृष्टीच्या इशाऱ्यामुळे ‘सिटीलिंक’ ने शहर बससेवा मर्यादित स्वरूपात चालविण्याचा निर्णय घेतला आहे. मात्र, प्रवाशांची संख्या आणि अत्यावश्यक गरज लक्षात घेऊन आवश्यकतेनुसार तातडीने अतिरिक्त बस उपलब्ध करून दिल्या जाणार असल्याचे प्रशासनाने स्पष्ट केले आहे. त्यामुळे नागरिकांनी प्रवासासाठी घराबाहेर पडण्यापूर्वी संबंधित बससेवेची अद्ययावत माहिती घेऊनच प्रवास करावा, असे आवाहन करण्यात आले आहे.

‘वर्क फ्रॉम होम’चा करावा अवलंब

मंगळवारी दिवसभर पाऊस आणि त्र्यंबकेश्वरमधील ढगफुटीच्या पार्श्वभूमीवर शहरातही धोकादायक परिस्थिती निर्माण होऊ शकते. त्यामुळे या कालावधीत नागरिकांनी घराबाहेर पडू नये. नोकरदारांनी ‘वर्क फ्रॉम होम’चा अवलंब करावा, असे आवाहन महापौर, आयुक्तांनी केले आहे. शहर परिसरातील कंपन्यांनी नागरिकांच्या जीवितास धोका निर्माण होऊ नये यासाठी शासन आणि महापालिकेला सहकार्य करावे, असे आवाहन महापालिकेने केले आहे.
Pune Rain: पुण्याला पावसाने झोडपलं, दिलासा कधी? शाळा उद्या सुरू राहणार? जिल्हाधिकाऱ्यांची माहिती; मावळात आभाळ फाटलं!

‘मान्सून टास्क फोर्स’ सज्ज

पूरस्थितीचा सामना करण्यासाठी महापालिकेची ‘मान्सून टास्क फोर्स’ सज्ज आहे. शहरात जोरदार पाऊस, वाऱ्यामुळे झाडे व घर कोसळणे, पूरस्थिती, पाणी साचणे, रस्त्यावर ऑइल सांडणे, चिखल साचणे आदी आपत्कालीन घटना किंवा दुर्घटना घडत असून, त्यामुळे अपघात घडत असल्याने नागरिकांच्या जीवितास धोका निर्माण होत आहे. या पार्श्वभूमीवर अग्निशमन दलाने नागरिकांना सतर्क राहण्याचे आणि आवश्यक ती खबरदारी घेण्याचे आवाहन केले आहे. महापालिकेच्या

महापालिकेच्या नागरिकांना सूचना

विनाकारण पावसात घराबाहेर पडणे टाळावे; अतितातडी असल्यास पुरेशी खबरदारी घ्यावी

पाणी साचलेल्या रस्त्यांजवळ, उघड्या गटारांजवळ, मॅनहोलजवळ, पूर परिसरात जाणे टाळा

उघड्यावर पडलेल्या विजेच्या तारा किंवा खांबांना स्पर्श करू नका

ओल्या हाताने/भिजलेल्या स्थितीत कोणतीही विद्युत वाहिनी किंवा उपकरणास स्पर्श करू नये

जोरदार पावसात कमजोर, धोकादायक किंवा जीर्ण इमारतींपासून दूर राहावे

मुलांना पाण्याने भरलेल्या खड्ड्यांपासून, बांधकाम स्थळांपासून आणि मोकळ्या जागांपासून दूर ठेवावे

पाणी साचू नये यासाठी घरातील निचऱ्याच्या व्यवस्था स्वच्छ ठेवा

जोरदार पावसात वाहन चालवताना पुरेशी काळजी घ्यावी

धोकादायक ठिकाणी ‘सेल्फी’ घेण्याचा मोह टाळावा
Satara Rain: महाबळेश्वरमध्ये नदीला पूर; पूलही खचला, शेकडो पर्यटक अकडले, क्रेनच्या साहाय्याने बचावकार्य!

जिल्हा प्रशासनाकडून सतर्कतेची साद

मदतीसाठी पोलिस नियंत्रण कक्ष ११२, रुग्णवाहिका १०८ या क्रमांकांवर संपर्क साधावा

नागरिकांनी विनाकारण घराबाहेर पडणे टाळावे, वाहत्या पाण्यातून प्रवास टाळण्याचे आवाहन

कोणीही शेतात काम करण्यासाठी जाऊ नये, दरडी कोसळणाऱ्या भागात जाणे टाळण्याचे आवाहन

पोलिस व महापालिकेतर्फे वाहने फिरवून सतर्कतेचे आवाहन

लघु पाटबंधारे, जिल्हा परिषदेच्या बंधाऱ्यांचे गेट उघडून ठेवण्याच्या सूचना

नदीच्या जलपातळीपेक्षा दोन मीटरच्या कक्षेत राहणाऱ्यांना सुरक्षित स्थळी हलवण्याच्या सूचना

धुळ्यावरून राज्य आपत्ती प्रतिसाद दल नाशिकमध्ये दाखल, चार शीघ्र कृती दल वाहने, जेसीबी, पोकलेन आणि रुग्णवाहिका सज्ज

रेल्वे प्रशासनालाही सतर्कतेचे आवाहन, समृद्धी महामार्ग व राष्ट्रीय महामार्गावर वेगमर्यादेवर नियंत्रण ठेवावे

हवामानाचे मॉडेल बदलल्यास तशी माहिती नागरिकांपर्यंत पोहोचवली जाणार

एसटी महामंडळाच्या बस मुख्य मार्गांवरच धावणार, जलसंपदा विभागाचा नियंत्रण कक्ष कार्यान्वित
Kolhapur Rain : कोल्हापुरात पावसाची जोरदार बॅटिंग, गगनबावड्यात धुव्वाधार, पंचगंगा नदीच्या पाणी पातळीत वाढ; नदीकाठच्या गावांशी संपर्क तुटला

आपत्कालीन स्थितीत साधा संपर्क

आग, पूर, शॉर्टसर्किट किंवा इतर कोणतीही आपत्कालीन परिस्थिती उद्भवल्यास नाशिक अग्निशमन दलाशी १०१ / २५३- २५९०८७१ या क्रमांकांवर त्वरित संपर्क करावा, असे आवाहन नाशिक महापालिकेचे मुख्य अग्निशमन अधिकारी संजय बैरागी, तस्चे अग्निशमन दलाचे सबऑफिसर डी. आर. गाढे यांनी केले आहे.

लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.

प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.

‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा