Ketan Agarwal Death Case : हस्तगत केलेल्या चॅट्सपैकी एका संवादात सिया तिच्या एका मित्राला त्याच्या आधार कार्डच्या समोरील आणि मागील बाजूंच्या प्रती पाठवण्यास सांगताना दिसते
सियाचे अन्य मित्रासोबत चॅट
पोलिसांच्या माहितीनुसार, हस्तगत केलेल्या चॅट्सपैकी एका संवादात सिया तिच्या एका मित्राला त्याच्या आधार कार्डच्या समोरील आणि मागील बाजूंच्या प्रती पाठवण्यास सांगताना दिसत आहे, जेणेकरुन लग्नासाठीची तिकिटे बुक करता येतील. त्या मेसेजमध्ये लिहिले होते की, “आधार कार्डची पुढची आणि मागची बाजू पाठव. लग्नाच्या तिकिटांच्या बुकिंगसाठी — जे लग्न कधी होणारच नाहीये, पण तरीही तू पाठव.” असे सिया म्हणते. मित्राने उत्तर दिले की आधार कार्ड आधीच व्हॉट्सॲपवर शेअर केले आहे.
मीडिया अहवालानुसार, तपास अधिकारी आता या संभाषणाचा संदर्भ आणि त्यातून हत्येपूर्वी किंवा नंतरच्या काळातील आरोपीच्या योजनांबद्दल काही सुगावा लागतो का, हे निश्चित करण्याचा प्रयत्न करत आहेत. तपासादरम्यान जप्त करण्यात आलेल्या मोबाईल फोन्सवरुन अलिकडेच रिकव्हर केलेल्या डेटाचा हे चॅट्स एक भाग आहेत.
Venezuela Earthquake : मी जिवंत आहे, माझ्या बायकोला सांगू नका; बोगदा खणून 8 दिवसांनी वाचवलं, त्याचेच शब्द ऐकून बचाव पथक बुचकळ्यात, कारण समजताच गलबलले
चॅट्सची सत्यता पडताळण्याचा प्रयत्न
काही प्रवासाचे बुकिंग केले गेले होते का, तसेच कट लपवून ठेवतानाच जनमानसात सामान्य परिस्थिती असल्याचे चित्र निर्माण करण्याच्या व्यापक प्रयत्नांचा हा संवाद एक भाग होता का, याची पोलीस पडताळणी करत असल्याचे समजते. अधिकाऱ्यांनी या संवादाच्या सत्यतेची पुष्टी केलेली नाही आणि तपास सुरु असताना त्याचे पुराव्यांच्या दृष्टीने असलेले महत्त्व तपासले जात आहे.
कोडवर्ड आणि निकनेम
फॉरेन्सिक विश्लेषणातून सांकेतिक भाषा, टोपणनावे आणि इमोजींचा वापर असलेली संभाषणे आढळून आली आहेत. तपास अधिकारी त्यांचा अर्थ उलगडण्याचा प्रयत्न करत आहेत, अशी माहिती पोलिसांनी यापूर्वी न्यायालयाला दिली होती.
VIDEO | HSRP नंबर प्लेट बाबत RTO अधिकाऱ्यांच मोठं वक्तव्य
दोन्ही आरोपींनी कोडवर्ड आणि निकनेमचा वापर करून एकमेकांशी संवाद साधल्याचे निदर्शनास आले आहे. त्याचा अर्थ आणि गुन्ह्याच्या कटाशी असलेला संबंध स्पष्ट करण्यासाठी दोन्ही आरोपींची समोरासमोर चौकशी करणे आवश्यक आहे, असे पोलीस आणि सरकारी वकील राजश्री वीरकुड यांनी न्यायालयाला सांगितले.
मिळालेला डिजिटल पुरावा या कटात इतर कोणत्याही व्यक्तीचा सहभाग असल्याचे दर्शवतो का, याचीही पोलीस तपासणी करत आहेत.
सिया गोयल आणि सहआरोपी चेतन चौधरी सध्या १४ दिवसांच्या न्यायालयीन कोठडीत आहेत. तपासादरम्यान या दोघांनीही पॉलीग्राफ (किंवा लाय-डिटेक्टर) चाचणी करुन घेण्यास नकार दिला होता.Nagpur News : वेब सीरीजमधले बाबा मला नर्मदापुरम घाटावर बोलवतायत, विद्यार्थी शाळेच्या बहाण्याने महाराष्ट्राबाहेर गेला, पोलिसांना सीसीटीव्हीत काय दिसलं?
कटाची माहिती चेतनच्या मित्राला?
दरम्यान, या प्रकरणाच्या तपासात आणखी महत्त्वाची माहिती समोर येत आहे. चेतन चौधरी आणि सिया गोयल यांच्या संपर्कातील काही तरुणांचे जबाब पुणे ग्रामीण पोलिसांकडून नोंदवून घेतले जात आहेत. केतन अग्रवालच्या हत्येच्या कटाची माहिती चेतनच्या एका वर्गमित्रालाही होती. मे महिन्याच्या शेवटच्या आठवड्यापासून तो चेतनच्या संपर्कात राहिला आहे. हा तरुण बीडचा रहिवासी असल्याचे समजते. विशेष म्हणजे केतनचा जीव घेण्यासारखे टोकाचे पाऊल उचलू नये, यासाठी त्याने चेतन आणि सिया यांची समजूत काढत या कृत्यापासून परावृत्त करण्याचाही प्रयत्न केल्याची माहिती समोर येत आहे
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा