Praful Gudadhe On Vishwas Nagre Patil: विश्वास नांगरे पाटील हे माझा अर्बन नक्षल ठरवून एन्काऊंटर करू शकतात, असा गंभीर आरोप प्रफुल्ल गुडधे पाटील यांनी केला.
नागपूर शहर काँग्रेसचे शहराध्यक्ष प्रफुल्ल गुडधे पाटील यांनी, भाजपचे नेते आपल्याला ‘अर्बन नक्षल’ म्हणून संबोधत असल्याच्या पार्श्वभूमीवर, राष्ट्रीय स्वयंसेवक संघाच्या विचारांनी प्रेरित असलेले शहराचे नवनियुक्त पोलिस आयुक्त विश्वास नांगरे पाटील हे आपल्याला ‘अर्बन नक्षल’ ठरवून एन्काऊंटर करू शकतात, अशी भीती व्यक्त केली आहे.
Raj Thackeray On Vishwas Nagare Patil: पोलिसांनी पक्ष, संघटनांपुढे बुद्धी गहाण ठेवू नये! राज ठाकरेंची विश्वास नांगरे पाटील यांच्यावर टीका
काँग्रेसचे शहराध्यक्ष प्रफुल्ल गुडधे हे शनिवारी माध्यमप्रतिनिधींशी बोलत होते. नांगरे पाटील यांची नुकतीच नागपूर शहराचे नवे पोलिस आयुक्त म्हणून नियुक्ती करण्यात आली आहे. दरम्यान, पदभार स्वीकारण्यापूर्वीच त्यांच्या जुन्या वक्तव्यांवरून राजकीय वाद निर्माण झाला आहे. पोलिस अधिकाऱ्यांनी संविधाननिष्ठ कर्तव्य पार पाडावे, की विशिष्ट विचारसरणीचा प्रभाव राहणार, हे स्पष्ट करावे, अशी मागणी गुडधे यांनी केली.
Crime News: ‘गे’ डेटिंग ॲपवरून मैत्री, भेटायला बोलावलं अन् नंतर तरुणासोबत भयंकर प्रकार; सीसीटीव्ही फुटेजमधून बिंग फुटलं!
मुख्यमंत्री देवेंद्र फडणवीस यांच्या गृहशहरात रुजू होणाऱ्या नांगरे पाटील यांच्या काही पूर्वीच्या सार्वजनिक विधानांमुळे आणि भूमिकांमुळे प्रशासनाच्या तटस्थतेवर प्रश्नचिन्ह निर्माण झाले आहे. डॉ. हेडगेवार आणि त्यांच्या विचारसरणीबाबत नांगरे पाटील यांनी यापूर्वी केलेल्या वक्तव्यांमुळे बिगर हिंदू समाजात असुरक्षिततेची भावना आहे. भाजपचे नेते आपल्यावर सातत्याने ‘अर्बन नक्षल’ असा शिक्का मारण्याचा प्रयत्न करीत आहे. या पार्श्वभूमीवर आपल्याविरुद्ध खोटे गुन्हे दाखल करून गंभीर कारवाई केली जाऊ शकते, तसेच एन्काऊंटरसारखी परिस्थिती निर्माण होऊ शकते, अशी भीती त्यांनी व्यक्त केली.
दरम्यान, नांगरे पाटील यांच्या भूमिकेवरून काँग्रेसने तीव्र आक्षेप नोंदवला आहे. वरिष्ठ आयपीएस अधिकाऱ्यांनी सार्वजनिक व्यासपीठांवर बोलताना संविधानिक चौकट, प्रशासकीय तटस्थता आणि निष्पक्षतेचे भान राखणे आवश्यक आहे, असेही काँग्रेसने म्हटले आहे.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा