Health Minister On Private Hospitals: भविष्यात या सुविधांचा विस्तार करण्यात येणार असून, तज्ज्ञ समितीच्या अहवालाच्या आधारे उपचार पद्धती आणि शुल्काबाबत नव्या मार्गदर्शक सूचना जाहीर केल्या जातील.
आमदार बापू पठारे यांनी लक्षवेधी सूचनेद्वारे खासगी रुग्णालयांच्या मनमानी बिलांचा मुद्दा सभागृहात उपस्थित केला. या वेळी नमिता मुंदडा, मनीषा चौधरी, सुलभा खोडके, श्वेता महाले, ज्योती गायकवाड, मुरजी पटेल, संजय केळकर, नितीन राऊत आणि सत्यजित देशमुख यांनी चर्चेत सहभाग घेऊन सर्वसामान्य रुग्णांच्या अडचणी मांडल्या.
Mayank Lohar Death Case : मुंबई मयंक लोहार मृत्यू प्रकरण; आरोपी रोशन सुर्वणाला धारधार शस्त्र कुणी दिलं? प्रकरणात डिलिव्हरी बॉय मित्राची एन्ट्री
चर्चेला उत्तर देताना आबिटकर म्हणाले, ‘खासगी रुग्णालयांच्या उपचार दरांबाबत स्पष्ट धोरण ठरविण्याची गरज सर्वोच्च न्यायालयानेही अधोरेखित केली आहे. त्यानुसार राज्य सरकार उपचार खर्चाचे निकष निश्चित करण्यासाठी आवश्यक प्रक्रिया सुरू करीत आहे.’
‘एनआयसीयू’बाबत चिंता
नवजात बालकांच्या उपचारांवरील वाढत्या खर्चाकडे सदस्यांनी विशेष लक्ष वेधले. मुदतपूर्व जन्मलेली किंवा कमी वजनाची बाळे अनेक दिवस ‘एनआयसीयू’मध्ये ठेवावी लागतात. ग्रामीण भागात अशा सुविधांचा अभाव असून, शहरांतील खासगी रुग्णालयांमध्ये या उपचारांसाठी १५ ते २० लाख रुपयांपर्यंत खर्च होत असल्याने सामान्य कुटुंबांवर मोठा आर्थिक भार पडत असल्याचे सदस्यांनी नमूद केले. यावर उत्तर देताना आरोग्यमंत्र्यांनी सांगितले की, राज्यातील ६६ शासकीय रुग्णालयांमध्ये विशेष नवजात काळजी कक्ष (एसएनसीयू) सुरू करण्यात आले आहेत.
Vadhavan Port Highway: 208 खारफुटींवर कुऱ्हाड; वाढवण बंदरासाठी झाडे तोडण्यास न्यायालयाचा हिरवा कंदील
दरपत्रक बंधनकारक
राज्यातील सर्व धर्मादाय आणि खासगी रुग्णालयांना शुल्काचे दरफलक लावण्याच्या सूचना देण्यात आल्या असून, नियमांचे पालन न करणाऱ्या रुग्णालयांवर महापालिका आणि आरोग्य विभागाच्या संयुक्त मोहिमेद्वारे कायदेशीर कारवाई करण्यात येईल, असा इशाराही आबिटकर यांंनी दिला.
पुणे आणि मुंबईसाठी विशेष उपक्रम
मुंबई उपनगरांमध्ये लहान मुलांसाठी स्वतंत्र शासकीय रुग्णालय नसल्याचा मुद्दा आमदार मुरजी पटेल यांनी उपस्थित केला. त्यावर मुंबईत शुल्क दरपत्रकांच्या अंमलबजावणीची विशेष तपासणी मोहीम राबविण्यात येईल, असे आश्वासन आरोग्यमंत्र्यांनी दिले; तसेच पुणे जिल्ह्यातील आरोग्य सुविधांचा दर्जा उंचावण्यासाठी आणि आवश्यक उपाययोजनांबाबत लवकरच पुण्यात विशेष बैठक घेण्यात येणार असल्याची माहितीही आबिटकर यांनी सभागृहात दिली.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा