खार पश्चिमेला पी. डी. हिंदुजा रोडवर एका टेम्पोमध्ये गॅस सिलिंडरमध्ये भेसळ केली जात असल्याची माहिती दादर येथील लोक कल्याण ग्राहक संरक्षण संस्थेच्या पदाधिकाऱ्यांनी नियंत्रण कक्षाला कळविली. त्यानंतर खार पोलिसांचे पथक घटनास्थळी पोहोचले. या ठिकाणी उभ्या असलेल्या एका टेम्पोच्या मागील शटर बंद करून आतमध्ये सिलिंडर हलविण्याचा आवाज येत होता. पोलिसांना संशय आल्याने त्यांनी हे शटर उघडताच काळूराम बेनीवाल हे तरुण गॅसचोरी करीत असल्याचे आढळले. भरलेल्या सिलिंडरचे सील उघडून त्यातून नळीच्या साहाय्याने गॅस काढून रिकाम्या सिलिंडरमध्ये तो भरत होता. याबाबत हटकताच काळूराम उडवाउडवीची उत्तरे देऊ लागला.

Harshwardhan Sapkal: गृह खाते ‘पांडू हवालदार’ चालवतो! काँग्रेस प्रदेशाध्यक्ष हर्षवर्धन सपकाळ यांची टीका
पोलिसांनी टेम्पोमधील भरलेल्या काही सिलिंडरचे वजन काट्यावर केले असता पाच ते कमी भरले. टेम्पोमध्ये ४० सिलिंडरचा साठा होता. प्रत्येक सिलिंडरची तपासणी करीत असताना संधी साधत काळूराम याने पळ काढला. गॅस सिलिंडरचा अद्याप तुटवडा असताना काळूराम याच्याकडून अशाप्रकारे गॅसचोरी केली जात असल्याने याची गंभीर दखल पोलिसांनी घेतली. काळूरामविरुद्ध अत्यावश्यक वस्तू अधिनियम, तरल पेट्रोलियम गॅस (आपूर्ती आणि वितरण) अधिनियम तसेच भारतीय न्याय संहितेच्या वेगवेगळ्या कलमांतर्गत गुन्हा दाखल करून ४० सिलिंडर हस्तगत केले. यामध्ये आणखी आरोपींचा समावेश असण्याची शक्यता असून त्यादृष्टीने तपास सुरू आहे.

Tukaram Mundhe: तुकाराम मुंढेंचा दुसरा मोठा दणका! अवैध औषध उत्पादकांवर धाडी, भ्रामक जाहिराती भोवल्या, 73 लाखांचा माल जप्त
धोकादायक प्रकार
भरलेल्या सिलिंडरमधील थोडा थोडा गॅस काढून रिकाम्या सिलिंडरमध्ये भरून या सिलिंडरची विक्री चढ्या दराने केली जात होती. केवळ एका नळीच्या साहाय्याने अशा प्रकारे गॅस भरणे धोकादायक आहे.