Crime News : मुंबई-अहमदाबाद महामार्गालगत, विरार फाट्याजवळ कुजलेल्या अवस्थेत बॉडी आढळली होती. बॉडीची विल्हेवाट लावण्यासाठी वापरण्यात आलेला ड्रम हा निळ्या रंगाचा होता. त्यामुळे मार्च २०२५ मधील ‘मेरठ प्रकरणा’ ची तुलना या घटनेशी केली जात आहे. कारण त्या प्रकरणातही पतीची बॉडी लपवण्यासाठी महिलेने अशाच प्रकारच्या ड्रमचा वापर केला होता.
मेरठमधील घटनेशी साम्य
तपास अधिकाऱ्यांच्या मते, ५ एप्रिल रोजी मुंबई-अहमदाबाद महामार्गालगत, विरार फाट्याजवळ अरबाजचं शव कुजलेल्या अवस्थेत आढळून आलं होतं. बॉडीची विल्हेवाट लावण्यासाठी वापरण्यात आलेला ड्रम निळ्या रंगाचा होता. त्यामुळे मार्च २०२५ मधील ‘मेरठ प्रकरण’ आणि या घटनेची तुलना केली जात आहे. कारण त्या प्रकरणातही बॉडी लपवण्यासाठी अशाच प्रकारच्या ड्रमचा वापर करण्यात आला होता.
वडिलांची पोलिसात तक्रार
पोलिसांनी दिलेल्या माहितीनुसार, डोंबिवली येथील एका खाजगी संस्थेत काम करणाऱ्या अरबाजने कामाशी संबंधित काही रक्कम आणण्यासाठी ३ एप्रिल रोजी दादरच्या दिशेने प्रवास सुरु केला. मात्र तो घरी परतलाच नाही. काही तासांनंतर अरबाजच्या कुटुंबीयांना काळजी वाटू लागली; त्यांनी पोलिसांशी संपर्क साधून मुलगा बेपत्ता झाल्याची तक्रार नोंदवली आणि त्यांच्या शेवटच्या ठिकाण्याविषयीची सविस्तर माहिती पोलिसांना दिली.
Pune Crime : दाढी करुन कपडे बदलले, 160 चं डिजिटल घड्याळ मागवलं, 15 रुपयांच्या टेपने अडकला, पुणे बॉम्ब केसमधील आरोपीचा धक्कादायक हेतू
लास्ट लोकेशन शोधलं
पोलीस अधिकाऱ्यांनी अरबाजच्या सीडीआरची तपासणी केली आणि त्याच्या मोबाईल फोनचं अंतिम ठिकाण वसईत असल्याचं शोधून काढलं. या विश्लेषणातून असंही समोर आलं की, त्याच सुमारास नर्स मेहजबीन शेख हिचा फोनही त्याच परिसरात कार्यरत होता. एका अधिकाऱ्याने ‘पीटीआय’ला सांगितलं, “…त्याच्या वडिलांनी पोलिसांकडे तक्रार दाखल केली होती. त्याच्या कॉल नोंदींच्या विश्लेषणातून मेहजबीनचा दुवा हाती लागला. अरबाजचे तिच्याशी प्रेमसंबंध होते” यावरुन संशयाची सुई कशाप्रकारे वळली, हे स्पष्ट होतं.
मेहजबीनने यापूर्वी अरबाजला काही रक्कम उसनी दिली होती. नंतर ती परत मिळवण्याचा प्रयत्न केला होता. यातूनच अरबाजकडून आणखी पैसे उकळण्याचा कट रचला गेला असावा, यामध्ये मेहजबीन आणि तिच्या नातेवाईकांचा सहभाग होता, असा पोलिसांचा कयास आहे.
Rohit Pawar | ‘तर पार्थ पवार आणि सुनेत्रा पवारांचा सत्कार करणार’; रोहित पवार थेट बोलले
एकांत स्थळी बोलवून जीव घेतला
एका अधिकाऱ्याने सांगितले, “अरबाजकडून पैसे उकळण्याच्या उद्देशाने, मेहजबीन आणि तिच्या नातेवाईकांनी त्याला वसई येथील एकांतस्थळी बोलावून घेतले.” त्या एकांत ठिकाणी, हल्ल्यापूर्वी अरबाजचे हात-पाय बांधण्यात आले होते, असा दावा अधिकाऱ्यांनी केला आहे.
पोलिसांनी दिलेल्या माहितीनुसार, मेहजबीन आणि तिचा नातेवाईक तारिक शेख यांनी अरबाजचा मृत्यू होईपर्यंत त्याला पीव्हीसी पाईप्सने मारहाण केल्याचा आरोप आहे. त्यानंतर हा गुन्हा लपवण्यासाठी अरबाजची बॉडी एका निळ्या रंगाच्या ड्रममध्ये कोंबून वसई-विरार पट्ट्यातील एका नाल्यात फेकून देण्यात आल्याचे म्हटले जात आहे.Crime News : डार्लिंग, तुझ्यासाठी दोन पेपर फोडलेत, तू मला… प्राध्यापकाची विद्यार्थिनीकडे आक्षेपार्ह मागणी; ऑडिओ क्लीप व्हायरल
मेहजबीन आणि पतीला अटक
बॉडी सापडून त्याची ओळख पटल्यानंतर पोलिसांनी मेहजबीन आणि तारिक यांची ३ एप्रिल रोजीच्या त्यांच्या ठावठिकाण्याबाबत चौकशी केली. हत्या आणि संबंधित गुन्ह्यांच्या संशयावरुन ७ मे रोजी या दोघांनाही अटक करण्यात आली. मुंब्रा पोलीस ठाण्याचे वरिष्ठ निरीक्षक अनिल शिंदे यांनी ‘पीटीआय’ला सांगितले की, मेहजबीनचा पती हसन आणि त्याचा आणखी एक साथीदार मुज्जम तालिब खान हे बेपत्ता असून, त्यांना ‘फरार’ म्हणून घोषित करण्यात आले आहे.
मेरठमधील हत्या प्रकरणापासून एकच फरक
पोलिसांनी सांगितले की, वसईमध्ये वापरलेली पद्धत मेरठच्या निळ्या ड्रम हत्याकांडासारखीच होती. त्याचे कथानकही ड्रम आणि अनैतिक संबंधातील वादाशीच निगडीत होते. मेरठमधील मर्चंट नेव्ही कर्मचारी सौरभ राजपूत यांची हत्या करुन त्यांच्या शरीराचे तुकडे करण्यात आले आणि ते एका निळ्या ड्रममध्ये ठेवण्यात आले, तो नंतर घटनास्थळीच काँक्रीट टाकून सील करण्यात आला होता.
त्यावेळी प्रियकराच्या मदतीने पतीची हत्या झाली, यावेळी पतीच्या साथीने प्रियकराची, इतकाच काय तो फरक.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा