राज्यभर चर्चेत असलेल्या विकास लवांडे शाईफेक प्रकरणात आता शरद पवार यांची एन्ट्री झाली आहे. हे प्रकरण तापल्यानंतर शरद पवार यांनी फोनवरून लवांडेंशी संवाद साधला आणि भेटीसाठी बोलावलं होतं. त्यानुसार आज लवांडे यांनी पुण्यात शरद पवारांची भेट घेतली. यावेळी बीडचे खासदार बजरंग सोनवणे हे देखील उपस्थित होते. विकास लवांडे यांच्यासोबत घडलेल्या प्रकाराचा सोनवणेंनी सुद्धा निषेध नोंदवलाय. यासोबतच खासदार सुप्रिया सुळे यांच्या कार अपघाताबाबतही त्यांनी माहिती दिली.