डिलिव्हरी बॉय म्हणून काम करणाऱ्या कृष्णाने हट्ट करून काही दिवसांपूर्वी वडिलांकडून ‘केटीएम’ बाइक खरेदी केली होती. तो दुचाकी घेऊन दूरवर जाऊ नये यासाठी वडील दुचाकीमध्ये कमीच पेट्रोल ठेवत असत. रविवारी त्यांनी केवळ २०० रुपये पेट्रोलसाठी दिले होते, अशी माहिती आहे. सायंकाळी मित्रांसोबत पार्टी केल्यानंतर कृष्णा घरी परतला नाही. त्यामुळे वडील फोन लावण्याचा प्रयत्न करीत होते. त्याचा फोन बंद असल्याने त्यांनी काही मित्रांकडे चौकशी केली. त्यावेळी तो कुणाच्याच घरी नसल्याचे समजले.

Amol Mitkari: विधान परिषदेची जागा जय पवार यांना द्यावी! अमोल मिटकरींची ट्विट करत मागणी
कृष्णा-चांदणीची ओळख कशी?
कृष्णा हा मुलुंडचा, तर चांदणी कफ परेडची रहिवाशी होती. ते एकमेकांना कसे ओळखतात, याची पालक आणि पोलिसांनाही याची कल्पना नाही. चांदणी छत्रपती शिवाजी महाराज टर्मिनस परिसरातील एका खासगी कंपनीत टेलिकॉलर म्हणून नोकरी करते. पहाटे घरातून निघताना तिने दुचाकी घेतली होती; तिचा शोध पोलिस घेत आहेत.

रात्रभर कृष्णाने केले काय?
कृष्णा वाढदिवस साजरा करण्यासाठी रात्री साडेदहा ते अकरा वाजेपर्यंत मुलुंडमध्ये होता. पहाटे साडेपाचच्या सुमारास तो कफ परेडमध्ये चांदणीला भेटला. रात्रभर तो कुठे होता? त्याने काय केले? याचा तपास सुरू आहे.
Marine Drive Accident : भल्यापहाटे काळाची झडप, मॉर्निंग वॉकला आलेल्या वृद्धाला धडक, मुंबईतील मरीन ड्राईव्हवर भीषण अपघात; तिघांचा मृत्यू
मॉर्निंग वॉक जिवावर बेतला
पोलिसांनी दिलेल्या माहितीनुसार, अपघातात मृत झालेले किशोर लामणे हे गिरगाव येथे पत्नीसोबत वास्तव्य करतात. पहाटे पाच ते सहाच्या दरम्यान मरिन ड्राइव्हवर ते गेल्या अनेक वर्षांपासून व्यायाम करण्यासाठी येत असत. पूर्वी ते पत्नीसोबत येत होते, मात्र पत्नीच्या पायांचे दुखणे सुरू झाल्याने गेल्या काही महिन्यांपासून ते एकटेच येथे येत असत. मॉर्निंग वॉक आणि व्यायाम सोमवारी शेवटचा ठरला.