राहुल सुनील शाहू (वय ३८, रा. झिंगाबाई टाकळी), असे मृताचे नाव आहे. प्राप्त माहितीनुसार, राहुल आधी मोबाइल शॉपी चालवित होते. काही दिवसांपूर्वीच त्यांनी सदरमधील अचरज टॉवर येथे ‘हॅपी स्टे’ नावाचे हॉटेल चालवायला घेतले. हॉटेल व्यवसायासह ते प्रॉपर्टी डिलिंग व भिशी चालवायचे. सोमवारी सायंकाळी ७.३० वाजताच्या सुमारास ते कर्मचाऱ्यांना पैसे आणायला जात असल्याचे सांगून दुचाकीने बाहेर गेले. रात्र होऊनही ते परतले नाहीत. नातेवाइकांनी शोध घेतला असता ते आढळून आले नाहीत. त्यांचा मोबाइलही बंद होता. नातेवाइकांनी अखेर जरीपटका पोलिस ठाणे गाठले. त्यांनी दिलेल्या तक्रारीवरून सदर पोलिसांनी मंगळवारी राहुल हे बेपत्ता असल्याची नोंद घेतली.

Nagpur Crime: पतीसोबत घटस्फोट, प्रियकरासह लिव्ह इनमध्ये राहायला, पण 7 वर्षांत सगळं संपलं; महिलेसोबत काय घडलं?
बुधवारी दुपारी नारातील नदीच्या पुलाखाली पोत्यात मृतदेह असल्याची माहिती जरीपटका पोलिसांना मिळाली. पोलिसांचा ताफा तेथे पोहोचला. मृतकाच्या डोक्यावर व कानामागे शस्त्राचे घाव होते. हातावर ‘हरीओम’ असे गोंदलेले होते. यावरून राहुल यांची ओळख पटली. पोलिसांनी पंचनामा करून त्यांचा मृतदेह हॉस्पिटलकडे रवाना केला. पोलिसांनी परिसरातील सीसीटीव्हीची पाहणी केली असता सोमवारी मध्यरात्री एक कार पुलावर थांबली.

कारमधून दोन ते तीन जण उतरले व त्यांनी राहुल यांचा मृतदेह असलेले पोते पुलावरून खाली फेकल्याचे दिसत आहे. सीसीटीव्हीच्या आधारे पोलिस मारेकऱ्यांचा शोध घेत आहेत. आर्थिक व्यवहारातून राहुल यांची हत्या करण्यात आल्याचा संशय पोलिसांना आहे. पोलिसांनी त्या दिशेने तपास सुरू केला आहे.