डिजिटल पुराव्यांचा ‘खेळ’
आरोपींकडून जप्त करण्यात आलेल्या लॅपटॉप, हार्ड डिस्क आणि मोबाइलमधील डेटा पूर्णपणे डिलिट करण्यात आला होता. मात्र, सायबर सेल आणि फॉरेन्सिक विभागाच्या मदतीने पोलिसांनी हा डेटा पुन्हा मिळवण्याचे प्रयत्न सुरू केले आहेत. यात त्यांना बऱ्याच अंशी यशही आले असून, बुधवारी जप्त केलेले नवीन डिजिटल साहित्य तज्ज्ञांकडे तपासणीसाठी पाठवले जाणार आहे. या उपकरणांतून प्रकरणातील अनेक धक्कादायक खुलासे होण्याची शक्यता वर्तवण्यात येत आहे.

Amravati Crime : पीडितेची आई पुढे, अमरावती शोषण प्रकरणाला नवीन वळण, 18 व्हिडिओ 39 फोटोंसह आक्षेपार्ह मजकुराचा खच
वाहन आणि पिस्तुल जप्त
आरोपी अयान अहमद याने सोशल मीडियावर व्हायरल केलेल्या रीलमध्ये वापरण्यात आलेले महिंद्रा थार वाहन आणि दोन पिस्तुल (गन) हे सावळी दातुरा (ता. अचलपूर) येथील राजेश रोशन प्रजापती यांच्या मालकीचे असल्याचे तपासातून निष्पन्न झाले आहे. पोलिसांनी वाहन आणि दोन्ही शस्त्रे जप्त केली आहेत. पिस्तुलांचा व्यास सामान्य शस्त्रांपेक्षा कमी असल्याचे प्राथमिक निरीक्षणातून समोर आले आहे. ही शस्त्रे खरी आहेत की बनावट, हे तपासण्यासाठी ती आता तज्ज्ञांकडे पाठवण्यात येणार आहेत. आरोपीने ज्या मोबाइलद्वारे रील शूट केली होती, तो त्याने एका व्यक्तीला विकला होता. पोलिसांनी तो मोबाइल संबंधित व्यक्तीकडून हस्तगत केला आहे.

उजेर खानवर दुसरा गुन्हा
या प्रकरणाची व्याप्ती वाढत असतानाच, सहआरोपी उजेर खान इकबाल खान याच्यावर पोस्कोअंतर्गत आणखी एक गुन्हा दाखल करण्यात आला आहे. शिकवणी वर्गाला जाताना उजेर नेहमी मुलीची छेड काढत असे, असे तक्रारीत नमूद आहे.

Amravati Crime : अयानचा निर्लज्जपणा, पैशांसाठी कुटुंबालाही सोडलं नाही, आईच्या स्त्रीधनालाच हात घातला
आरोपींची ११ बँक खाती सील
या प्रकरणातील मुख्य आरोपी अयान अहमद आणि त्याच्या सात साथीदारांचे जाळे उलगडण्यासाठी एसआयटी तपासाला गती देत आरोपींची ११ बँक खाती सील केली. या खात्यांतून झालेल्या आर्थिक व्यवहारांचा कसून तपास केला जात आहे. हे प्रकरण केवळ लैंगिक शोषणापुरते मर्यादित नसून त्याचे धागेदोरे पॉर्नोग्राफी रॅकेट पर्यंत पोहोचले असावेत, असा संशय पोलिसांना आहे. आरोपींच्या बँक खात्यांमधून झालेले आर्थिक व्यवहार हे प्रकरणाचे मुख्य केंद्र ठरले आहेत. या खात्यांतून अश्लील व्हिडीओंची विक्री करून पैसा कमावला जात होता का, याचा शोध पोलिस घेत आहेत. या तपासातून लवकरच काही मोठे चेहरे समोर येण्याची शक्यता आहे.