Samruddhi Mahamarg Accident: समृद्धी महामार्गावरुन ट्रॅव्हल्स चालविताना बसचालक व वाहक एवढे गुंग झाले की बस उलटली. या अपघातात २ वर्षाच्या चिमुकल्याचा जागीच मृत्यू, तर १७ प्रवासी जखमी झाले आहेत.
काय घडलं?
पीयूष यशपाल राठोड (२), असे मृत बालकाचे नाव आहे. पनवेल येथून एमएच २९ बीई ३२३३ क्रमांकाची ट्रॅव्हल्स रात्री समृद्धी महामार्गाने नागपूरकडे निघाली होती. रविवारी पहाटे तीन वाजता ट्रॅव्हल्सचा चालक बदलला. हा चालक ट्रॅव्हल्स चालवित असताना मोबाइलवर गाणे लावून रील बनवित होता. वाहकदेखील रीलमध्ये सहभागी झाला. याचदरम्यान पावणेसहा वाजताच्या सुमारास फर्दापूर टोल नाक्याजवळील उतारावर चालकाचे नियंत्रण सुटले आणि एकदम ब्रेक मारल्यामुळे ट्रॅव्हल्स उलटली. दोन वर्षीय बालकाचा मृत्यू झाला. तर या अघातात जखमींना मेहकर येथील ग्रामीण रुग्णालयात दाखल करण्यात आले. मात्र, तिथे पोहोचल्यानंतर अर्धा तास एकही डॉक्टर उपस्थित नसल्याने संताप व्यक्त झाला.
Latur Crime : दोन चुलत भाऊ खेळण्यासाठी गेले, पुन्हा परतलेच नाहीत, एकाचं पार्थिव घराशेजारी, दुसरा बेपत्ता; लातूरमध्ये अल्पवयीन लेकरांसोबत काय घडलं?
जखमींची नावे
अपघातात अस्वद अहमद महेबूब अहमद (११) रा. पुसद, सुशील खडसे, रूपचंद गजानन बावनकुळे हे गंभीर जखमी झाले. यासोबतच वैभव धुळे (२४) रा. पुसद, शांती संजय (३०) रा. दिग्रस, विजय राठोड (५०) रा. मुंबई, किरण यशपाल राठोड, आशा देवकर, किशन चव्हाण (२२), मैफूज अहमद (४८), उमीहाणी अहमद (४), योगिता रूपचंद बावनकुळे, अविनाश राठोड, राजेश चव्हाण, लवकित चव्हाण, पूजा राठोड, ध्रुवी राठोड हेदेखील जखमी झाले आहेत.
Jalna Crime : वडील बेपत्ता असल्याची तक्रार, लेकीचा धमक्या मिळाल्याचा आरोप; पहाटे बापाचं पार्थिव आढळलं
…आणि कारवर कोसळली
ट्रॅव्हल्सचालकाचा निष्काळजीपणा कारमधील कुटुंबीयांच्या जीवावरदेखील बेतला. मेहकरकडून नागपूरकडे निघालेल्या एमएच ४० डीई १३४८ क्रमांकाच्या कारवर समोरील बाजूने ट्रॅव्हल्स निसटती कोसळली. या अपघातात जीवितहानी झाली नसली तरी कारमधील रूपचंद बावनकुळे व त्यांचे कुटुंब जखमी झाले. त्यांच्यावर रुग्णालयात उपचार सुरू आहेत.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा