अंबाजोगाई-लातूर रस्त्यावर शिवाई बस आणि दुचाकीची समोरासमोर धडक झाली आहे. बसला ओव्हरटेक करण्याच्या नादात २३ वर्षीय तरुणाचा जागीच मृत्यू झाला आहे. आई-वडिलांच्या एकुलत्या एक मुलावर काळाने झडप घातली आहे.
मोटारसायकलची बसला समोरासमोर भीषण धडक
या बाबत मिळालेल्या अधिकच्या माहितीनुसार, अथर्व ढगे हा युवक आपल्या दुचाकीवरून (MH 44,D 7483) धानोरा (खुर्द) गावाहून अंबाजोगाईच्या दिशेने कामानिमित्त जात होता. याच वेळी अंबाजोगाईहुन छत्रपती संभाजीनगरकडे जाणारी शिवाई बस (MH 49 BZ 9581) समोरून येत होती. लोखंडी सावरगाव जवळ एका वाहनाला ओव्हरटेक करण्याच्या प्रयत्नात असताना अथर्वच्या मोटारसायकलची बसला समोरासमोर भीषण धडक बसली असा प्राथमिक अंदाज व्यक्त केला जात आहे. हा अपघात इतका भयानक होता की, यामध्ये मोटारसायकलचा अक्षरशः चक्काचूर झाला आहे. धडक बसल्यानंतर गंभीर मार लागल्याने अथर्व ढगे चाजागीच मृत्यू झाला. या घटनेने परिसरात एकच खळबळ उडाली असून मयत अथर्व ढगे याच्या गावात शोककळा पसरली असल्याचे समोर येत आहे.घटनेची माहिती मिळताच अंबाजोगाई येथील पोलिसांनी घटनास्थळी धाव घेत घटनेचा पंचनामा केला असून या प्रकरणी पोलिस पुढील तपास करत असल्याचे सांगण्यात आले आहे.
Sunetra Pawar : ‘सेवा करता करता दादा गेले, त्यांची स्वप्नं आता पूर्ण करायचीत’; बारामतीत प्रचाराचा नारळ फोडताना सुनेत्रा पवार भावुक
एकुलता एक मुलगा गेला
अथर्व ढगे हा एका अल्पभूधारक शेतकरी कुटुंबातील मुलगा असून आपल्या आई-वडिलांचा तो एकुलता एक मुलगा होता. त्याला एक विवाहित बहीण असल्याचे सांगण्यात आले आहे. अथर्व याने यापूर्वी अंबाजोगाई येथील एका ट्रॅक्टर शोरूममध्ये काम केले असून. मुलाने स्वतःचा व्यवसाय करावा या उद्देशाने आई-वडिलांनी तीन महिन्यांपूर्वीच त्याला एक किराणा दुकान टाकून दिले असल्याचेही सांगण्यात येत आहे. किराणा दुकानाच्या माध्यमातून अथर्व आपल्या कुटुंबाचा उदरनिर्वाह चालवत होता. मात्र, त्याच्या सोबत खूप वाईट झाले असून काळाने त्याच्यावर घाला घातल्याने त्याच्या परिवाराचा सहारा आता कायम निघून गेला आहे , अतिशय मनमिळाऊ मुलगा गेल्याने परिसरात मोठी हळहळ व्यक्त केली जात आहे.
अपघातांचं सत्र
या वळणावर या पूर्वी देखील अनेक अपघात झाले असल्याचे सांगण्यात येत आहे तर ओव्हरटेक करण्याच्या नादात अनेकांना आपले प्राण गमवावे लागत आहेत. लोखंडी सावरगाव परिसरात झालेल्या या अपघातामुळे रस्ते सुरक्षेचा आणि वाहन चालवताना घ्यावयाच्या काळजीचा प्रश्न पुन्हा एकदा ऐरणीवर आला आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा