Pune Crime: आरोपींच्या हल्ल्यात उपाहारगृहचालकाच्या सहकाऱ्याचा हात मनगटापासून तुटून वेगळा झाला असून, चालकाच्या डोके व खांद्याला गंभीर दुखापत झाली आहे.
किशोर राजू बनसोडे (वय २९) आणि प्रसाद चंद्रशेखर आजुरे (वय २८, दोघे रा. प्रेमनगर वसाहत, मार्केट यार्ड) अशी जखमींची नावे आहेत. या प्रकरणी पोम्मीराजा मुथ्थुराज थेवर (वय २४, रा. प्रेमनगर वसाहत, मार्केट यार्ड) याच्यासह तिघांविरुद्ध गुन्हा दाखल करण्यात आला आहे. याबाबत, सुनील राजू बनसोडे (वय २६) यांनी स्वारगेट पोलिस ठाण्यात तक्रार दिली आहे.
Pune University: पुणे विद्यापीठात तरुणींसमोर ‘डिलिव्हरी बॉय’चं विचित्र वर्तन; परदेशी विद्यार्थिनीची तक्रार, घटनेनं शहरात संताप
बनसोडे आणि आजुरे यांचे महर्षीनगर परिसरात व्यंकटेश्वरा अमृततुल्य आणि व्यंकटेश्वरा वडेवाले उपाहारगृह आहे. थेवर हा बनसोडे यांच्या उपाहारगृहासमोर हातगाडी लावून दाक्षिणात्य खाद्यपदार्थ विक्री करतो. त्यांच्यामध्ये व्यावसायिक स्पर्धेतून वाद झाले होते. त्यामुळे बनसोडे यांनी त्याला हातगाडी लावू नको, असे सांगितले. या कारणावरून त्यांच्यामध्ये मागील काही दिवसांपासून भांडणे होत होती. त्यातच बनसोडे यांनी खाद्यपदार्थांचे दर कमी केले होते. त्या रागातून थेवरसह तिघे जण दुपारी बनसोडेच्या उपाहारगृहात घुसले. आरोपींनी तीक्ष्ण शस्त्रे आणि दांडक्याने बनसोडे आणि आजुरे यांच्यावर हल्ला केला. आरोपींनी केलेला वार आजुरे याने हातावर झेलला. त्यात त्याचे मनगट तुटले, तर बनसोडे यांच्या डोके आणि खाद्याला गंभीर जखम झाली. या दोघांना तातडीने ससून रुग्णालयात दाखल करण्यात आले. आजुरे याच्या हातावर शस्त्रक्रिया करण्यात येत असून, बनसोडे यांच्यावर उपचार सुरू असल्याचे स्वारगेट पोलिसांनी सांगितले.
या घटनेची माहिती मिळताच परिमंडळ दोनचे पोलिस उपायुक्त मिलिंद मोहिते, वरिष्ठ निरीक्षक यशवंत निकम, सहायक निरीक्षक अभिजित पाटील यांनी घटनास्थळी धाव घेतली. पसार झालेल्या आरोपींचा पोलिसांकडून शोध घेण्यात येत आहे.
Rishikesh Vaidya : ऋषिकेश वैद्य प्रकरणात कोर्टात दोन्ही बाजूने जोरदार युक्तिवाद, न्यायालयात काय-काय घडलं?
उपाहारगृहातील गॅस गळतीमुळे भडका
भारती विद्यापीठ परिसरातील एका उपाहारगृहात एलपीजी सिलिंडरमधून गळती झाल्यानंतर उडालेल्या भडक्यात चार कामगारांच्या हाताला आणि पायाला भाजले. इच्छापूर्ती गणेश मंदिरासमोर तळमजल्यावर असलेल्या नादब्रह्म इडली उपाहारगृहात ही दुर्घटना घडली. अग्निशमन दलाचे जवान घटनास्थळी पोहोचेपर्यंत नागरिकांनी कामगारांना खासगी रुग्णालयात दाखल केले. अग्निशमन दलाच्या जवानांनी गॅसगळती रोखली. या दुर्घटनेत आग लागली नसली, तरी उपाहारगृहातील छताचे नुकसान झाले; तसेच खिडक्यांचा काचा फुटल्या आहेत.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा