पोलिस संरक्षण देण्याचे आदेश

जिल्हाधिकारी कार्यालयात गॅस वितरक कंपन्याचे प्रतिनिधी, गॅस एजन्सीचे प्रतिनिधी, तसेच पोलिस अधिकारी यांची जिल्हाधिकारी जितेंद्र डुडी यांच्या अध्यक्षतेखाली बैठक घेण्यात आली. त्या वेळी जिल्हा पुरवठा अधिकारी महेश सुधळकर, तसेच विविध प्रतिनिधी उपस्थित होते. या वेळी गॅस वितरकांशी जिल्हाधिकाऱ्यांनी चर्चा केली. त्या वेळी वितरकांसह कर्मचाऱ्यांना पोलिस संरक्षण देण्याची मागणी करण्यात आली. त्यानुसार जिल्हाधिकाऱ्यांनी गॅस वितरकांना पोलिस सरंक्षण देण्याचे आदेश दिले आहेत.Mumbai Gas Shortage: गॅस सिलिंडरच्या तुटवड्यामुळे मुंबईसमोर आता नवं संकट; लोकांनी चुली पेटवल्या, प्रदूषण वाढण्याचा धोका

घरगुती वापराच्या गॅस सिलेंडरचा पुरवठा केवळ ‘ओटीपी’ प्रणालीद्वारेच करण्यात यावा. तसेच गोदाम, गॅस एजन्सी किंवा इतर कोणत्याही ठिकाणाहून थेट गॅस सिलिंडरचे वितरण पूर्णपणे बंद ठेवावे, अशा सूचना जिल्हाधिकारी जितेंद्र डुडी यांनी तेल कंपन्यांसह वितरकांना दिल्या आहेत. त्याशिवाय सर्व गॅस एजन्सींनी त्यांच्या गोदाम किंवा कार्यालयाबाहेर ‘गॅस सिलेंडरचे वितरण फक्त ओटीपी’द्वारेच ९६ तासांच्या आत घरपोच करण्यात येईल,’ असा आशय दर्शविणारे फलक लावावेत. त्याबाबत ग्राहकांच्या नोंदणीकृत मोबाईल क्रमाकांवर त्या संदर्भातील संदेशही पाठवावा. त्यामुळे गॅस एजन्सीच्या दुकानासमोर गर्दी करू नये, असा संदेश पाठविण्याच्या सूचनाही जिल्हाधिकाऱ्यांनी दिल्या आहेत.

“घरगुती गॅस सिलिंडरचे बुकिंग केल्यानंतर ९६ तासांच्या आत घरपोच वितरण करणे वितरकांवर बंधनकारक राहील, नियमानुसार सुरू असलेल्या गॅस सिलिंडर वितरण प्रक्रियेत कोणीही अडथळा निर्माण केल्यास संबंधितांविरुद्ध कठोर कारवाई करावी. तसेच गॅस एजन्सीनी कोणताही अवैध व्यापार होणार नाही यासाठी कर्मचाऱ्यांवर नियंत्रण ठेवावे. बेकायदा गॅसचा पुरवठा केल्यास संबंधितांवर कारवाई करण्यात येईल,” अशी माहिती जिल्हाधिकारी जितेंद्र डुडी यांनी दिली आहे.

तेल कंपन्यांना सूचना

• दैनंदिन गॅस रिफिलिंगची क्षमता वाढविण्याचे गॅस कंपन्यांच्या अधिकाऱ्यांना आदेश
• कंपनीच्या स्तरावरून गॅस वितरकांसाठी ज्या काही सूचना असतील त्या सर्व वितरकांना लेखी कळविण्याबाबत आदेश द्यावेत
• दुसरे गॅस सिलिंडर वाटपाच्या कालवाधीचे निकष महानगरपालिका आणि नगरपालिका हद्दीत गॅस एजन्सीना २५ दिवस, ग्रामीण भागांत एजन्सींना ४५ दिवस करावेत.
• औद्योगिकीकरण झालेल्या हिंजवडी भागात हा निकष २५ दिवसांचा करावा.

जिल्हाधिकाऱ्यांच्या पोलिसांना सूचना

• गॅस सिलिंडरच्या वितरणात कोणीही अडथळे, हस्तक्षेप केल्यास तक्रारीनुसार कारवाई करावी.
• कायदा व सुव्यवस्थेच्या दृष्टीने वेळोवेळी योग्य तो बंदोबस्त देण्यात यावा.
• गॅस एजन्सीधारकांनी वितरणाबाबत मागणी केल्यास नियमानुसार पोलिस संरक्षण द्यावे.
• अनावश्यक गर्दी होऊ नये यासाठी वेळोवेळी गॅस एजन्सी व गोदामाच्या ठिकाणी पोलिसांनी भेटी द्याव्यात.

Nishikant Dubey: भाजपच्या निशिकांत दुबेंच्या VIP दर्शनाची चौकशी होणार, भीमाशंकर मंदिर बंद असतानाही प्रवेश; दोषींवर कारवाईचे आश्वासन

पुणे जिल्ह्यातील सिलिंडर ग्राहक

• १६,००,००० हिंदुस्थान पेट्रोलियम (एचपीसीएल)
• २०, २३, ८०० भारत पेट्रोलियम (बीपीसीएल)
• २, १२, ३५६ इंडियन ऑइल (आयओसी)