माजी राज्यमंत्री बच्चू कडू यांच्या नेतृत्वाखाली निघालेली ‘मेळघाट संघर्ष महापदयात्रा’ सोमवारी चिखलदरा येथे धडकणार आहे. येथे प्रशासकीय दिरंगाईविरोधात तांडव आंदोलन करण्यात येणार आहे. काटकुंभ येथून सुरू झालेली ही पदयात्रा बामादेही, डोमा, काजलडोह यासारख्या दुर्गम भागातून प्रवास करत रविवारी सलोना येथे मुक्कामी पोहोचली.

Satara Politics : साताऱ्यात पुन्हा राजकीय ट्विस्ट, झेडपी अध्यक्ष कुणाचा होणार? भाजपमध्येच सुंदोपसुंदी
चिखलदऱ्याला छावणीचे स्वरूप आंदोलनाची व्याप्ती लक्षात घेता अमरावती ग्रामीण पोलिसांनी चिखलदरा शहरात कडेकोट बंदोबस्त तैनात केला आहे. तहसील कार्यालयाला छावणीचे स्वरूप आले असून, संवेदनशील मार्गांवर बॅरिकेडिंग करण्यात आले आहे. आदिवासी युवकांसाठी स्थानिक पातळीवर रोजगार आणि आरोग्य व्यवस्थेचे सक्षमीकरण या प्रमुख मागण्यांसाठी हजारो आंदोलकांचा जत्था चिखलदऱ्यात प्रवेश करणार असून, राज्य सरकार यावर काय भूमिका घेते, याकडे सर्वांचे लक्ष लागले आहे.

Womens day 2026 : महिला दिनी ठराव, आई-बहिणींवरून शिवी दिली तर दंड; कोळगाव ग्रामसभेचा कौतुकास्पद निर्णय
‘लोहारडोंगरी’विरुद्ध लोटांगण आंदोलन
वाढता मानव-वन्यजीव संघर्ष, वाघांच्या हल्ल्यात होणारे मृत्यू आणि ताडोब्यातील वन्यजीव कॉरिडोरला धोका निर्माण करणाऱ्या लोहारडोंगरी खाण प्रकल्पाविरोधात इको-प्रो संस्थेचे अध्यक्ष बंडू धोतरे यांनी जिल्हाधिकारी कार्यालयासमोर अन्नत्याग सत्याग्रह आंदोलन सुरू केले आहे. रविवारी, चौथ्या दिवशी शासनाचे लक्ष वेधण्यासाठी आंदोलनस्थळी लोटांगण आंदोलन करण्यात आले.ताडोबा-अंधारी व्याघ्रप्रकल्प ते उमरेड-कऱ्हांडला तसेच नवेगाव-नागझिरा या अतिशय संवेदनशील व्याघ्र भ्रमणमार्गातील प्रस्तावित लोहारडोंगरी लोहखनिज खाण रद्द करण्यासाठी ‘सेव्ह लोहारडोंगरी, सेव्ह ताडोबा’ ही ऑनलाइन मोहीम राबविली जात आहे. या मोहिमेने २५ हजारांहून अधिक स्वाक्षऱ्यांचा टप्पा पार केला आहे. बहार नेचर फाउंडेशन वर्धा, शिव छत्रपती प्रचारक मंडळ चंद्रपूर, आझाद गार्डन गुड मॉर्निंग ग्रुप चंद्रपूर, सायकल डिलर्स असोसिएशन चंद्रपूर यांनी समर्थन जाहीर केले आहे.