या प्रकरणाचा तपास शिवाजीनगर पोलीस ठाणे येथील सायबर पथकाने तांत्रिक विश्लेषणाच्या मदतीने केला. कोणताही ठोस धागा नसताना मोबाईल ट्रॅकिंगच्या आधारे आरोपीपर्यंत पोहोचण्यात पोलिसांना यश आलं. नुकतीच त्याला विरार येथून अटक करण्यात आली.

याप्रकरणी पोलिसांनी दिलेल्या माहितीनुसार, आरोपीने स्वतःच्या वाहिनीसोबतही असाच प्रकार केल्यामुळे भावाने घरातून हाकलून दिले होते. त्यानंतर बाहेर वेटर, सेक्युरिटी गार्ड असे मिळेल ते काम तो करत असे. आरोपीच्या मोबाईलमध्ये अनेक तरुणींचे फोटो सापडले असून घराच्या झडतीत आक्षेपार्ह साहित्यही जप्त करण्यात आलं आहे. पोलिसांकडून पुढील तपास सुरू असून अशा प्रकारांना बळी पडलेल्या इतर तरुणींनी पुढे येण्याचं आवाहन करण्यात आले आहे.

पुण्यात फसवणुकीची आणखी एक घटना

“मी इस्रो मध्ये शास्त्रज्ञ आहे” असं सांगत एका इसमाने पुण्यातील २८ वर्षांच्या आयटी इंजिनिअर मुलीची तब्बल ४२ लाख ६४ हजार रुपयांची फसवणूक केली आहे. लग्नासाठी मॅट्रिमोनियल साइटवर ओळख झाल्यानंतर त्याने सुरुवातीपासूनच स्वतःची मोठी ओळख सांगितली. गोड बोलून विश्वास जिंकला, लग्नाचं आमिष दाखवलं आणि काही बनावट कागदपत्रंही पाठवली. नंतर फसवणूक झाल्याचं लक्षात आल्यानंतर मुलीने वाकड पोलिस ठाण्यात तक्रार दिली. याप्रकरणी पोलिसांनी गुन्हा दाखल केला असून तपास सुरू आहे.