मुलीचे प्रेमसंबंध असल्याची बापाला कुणकुण

राजेंद्र नरसुडे याची मुलगी ही बार्शी येथे शिक्षण घेत होती. तिचे कॉलेजमधील एका तरुणाशी मैत्रीपूर्ण संबंध असल्याची कुणकुण वडील राजेंद्र नरसुडे याला लागली. राजेंद्र नरसुडे याने 27 नोव्हेंबर 2025 रोजी सकाळी 10:30 ते 12:30च्या सुमारास घरातच मुलीचा तिच्याच ओढणीने गळा आवळून हत्या केली. हत्येनंतर पुरावे लपवण्यासाठी त्याने तिला बळजबरीने कीटकनाशक पाजले, मोबाईलमधील चॅट्स डिलीट केल्या आणि धाराशिव रुग्णालयात नेले. धाराशिव येथील डॉक्टरांनी तरुणीला मृत घोषित केले.
Chembur Accident: चेंबूरमध्ये सहाव्या मजल्यावरून सहा कामगार पडले, दुर्घटनेत 55 वर्षीय कामगाराचा बळी; एकाची स्थिती गंभीर

शवविच्छेदन अहवालावरून तपासाची चक्रे फिरली

बार्शी तालुक्यातील वैराग पोलीस ठाण्यात तरुणीची आकस्मिक मृत्यूची नोंद झाली. धाराशिव शासकीय रुग्णालयातील डॉक्टरांनी शवविच्छेदन केल्यानंतर अहवालात गळा आवळल्याने मुलीचा मृत्यू झाल्याचं स्पष्ट झालं. वैराग पोलीस ठाण्याचे पोलीस निरीक्षक कुंदन गावडे यांच्या मार्गदर्शनाखाली हवालदार संदेश पवार यांच्या नेतृत्वात सखोल तपास सुरू झाला. सायबर तज्ज्ञांनी डिलीट डेटा रिकव्हर करत संशय बळकट केला. राजेंद्र नरसुडे याला ताब्यात घेऊन पोलिसी खाक्या दाखवताच राजेंद्र याने गुन्हा कबूल केला. हवालदार संदेश पवार यांनी सरकारतर्फे फिर्याद दिली असून, आरोपीवर गुन्हा दाखल झाला आहे. ऑनर किलिंगसारख्या घटनेमुळे वैराग परिसरासह सोलापूर जिल्ह्यात खळबळ उडाली आहे.