शुक्रवारी सकाळी बेशुद्ध अवस्थेत आढळले

सोलापूर शहरातील कलावती नगर भागात ही धक्कादायक घटना घडली. सोमनाथ पाटील आणि श्रीदेवी पाटील हे मूळचे शिरवण (ता. दक्षिण सोलापूर) येथील रहिवासी होते, मात्र सध्या ते कलावती नगर येथे राहत होते. शुक्रवारी, २७ फेब्रुवारी २०२६ रोजी सकाळी सहाच्या सुमारास हे दोघे बेशुद्ध अवस्थेत आढळले. तोंडातून फेस येत असल्याने त्यांना तातडीने श्री छत्रपती शिवाजी महाराज सर्वोपचार रुग्णालयात दाखल करण्यात आले. मात्र, उपचारापूर्वीच दोघांचा मृत्यू झाल्याचे डॉक्टरांनी जाहीर केले.

मुलींनी काकांना केला फोन

घटनेच्या वेळी मृत पती-पत्नीसोबत त्यांच्या दोन मुली घरात होत्या. आई-वडील उठत नाहीत आणि त्यांच्या तोंडाला फेस आला आहे, हे दृश्य पाहून मुलींनी तातडीने काकांना फोन केला. काकांनी तात्काळ घटनास्थळी धाव घेत दोघांना रुग्णालयात नेले, पण उशीर झाला होता.

Pandharpur News: वाढदिवसाच्या शॉपिंगला दुचाकीने जात होते, मध्येच नको ते घडलं, बारावीच्या दोन विद्यार्थ्यांचा अपघातात करुण अंत

सोमनाथ पाटील यांचा पूर्वी कुक्कुटपालनाचा व्यवसाय होता, त्यानंतर त्यांनी घरातच किराणा दुकान सुरू केले होते. पती-पत्नी दोघे मिळून हे दुकान चालवत असत.

सुसाईड नोट सापडल्याची प्राथमिक माहिती

या घटनेमुळे संपूर्ण सोलापूर शहरात खळबळ उडाली आहे. पोलिसांकडून मिळालेल्या प्राथमिक माहितीनुसार, घटनास्थळी एक चिठ्ठी (सुसाईड नोट) सापडल्याचे बोलले जात आहे. मात्र, पोलिसांनी अद्याप याबाबत अधिकृत माहिती दिलेली नाही. ही आत्महत्या आहे की यामागे दुसरे काही कारण आहे, याचा सखोल तपास पोलीस करत आहेत.