नेमकं काय घडलं?

लॉजचे मालक सचिन नंदू पवार (वय ३०, रा. वाटूर, ता. परतूर, जिल्हा- जालना), मॅनेजर संतोष भोलेनाथ जाधव (रा. खरपुडी, ता. जि. जालना) यांच्यामार्फत वैष्णवी लॉजचे मॅनेजर कैलास रतन कुमार (वय ३०, रा. सावा, ता. जि. चित्तोडगड, राज्य राजस्थान, ह.मु. वैष्णवी लॉज, जालना) हे स्वतःच्या फायद्यासाठी बाहेरून महिलांना बोलावून वेश्या व्यवसाय चालवत असताना छापा मारण्यात आला. यामध्ये पंकज भाऊसाहेब निकाळजे (वय २५ वर्ष, रा. जांमवाडी, ता. जि. जालना), तुषार हरिश बत्रा (वय २४ वर्ष, रा. परतूर), रोहित संजय बोर्डे (वय २६ वर्ष, रा. जांमवाडी, ता. जि. जालना), करण रवी वाहुळे (वय २० वर्ष, रा. जामवाडी, ता. जि. जालना) यांच्यासह पश्चिम बंगाल राज्यातील ६, आसाम राज्यातील ३ व छ. संभाजीनगर येथील ४ अशा एकूण १३ पीडित महिलांची सुटका करण्यात आली असून त्यांच्या ताब्यात ८१ हजार ७५० रुपये एवढा मुद्देमाल, रोख रक्कम व साहित्य मिळून आले आहे.Nashik Crime: अंगावर काळे कपडे, पिझ्झा अन्…; निर्जन रानात 25 वर्षीय तरुणीबरोबर काय घडलं? महामार्गालगत बॉडी आढळली

पुरुष आरोपींसह १३ महिलांना ताब्यात घेऊन त्यांच्याविरुद्ध पोलीस ठाणे सदर बाजार येथे स्त्रियांचा व मुलींचा अनैतिक व्यापार प्रतिबंध अधिनियम १९५६ चे कलम ३, ४, ५, ६ प्रमाणे गुन्हा दाखल करण्याची प्रक्रिया सुरू आहे.

यांनी कारवाई केली

सदरची कार्यवाही पोलीस अधीक्षक अजय कुमार बन्सल, अपर पोलीस अधीक्षक आयुष नोपाणी, पोलीस अधीक्षक श्रीमती जान्हवी शेखर, उपविभागीय पोलीस अधिकारी जालना अनंत कुलकर्णी, पोलीस निरीक्षक पंकज जाधव (स्थागुशा) यांच्या मार्गदर्शनाखाली अ.मा.वा.प्र. कक्षाचे प्रभारी अधिकारी पोउपनि गणेश शिंदे, पोउपनि रवी जोशी, पोउपनि संजय गवळी, तसेच स्थानिक गुन्हे शाखेचे दीपक घुगे, आक्रूर धांडगे, शुभम राठोड, महिला अंमलदार संगीता चव्हाण, पुष्पा खरटमल, आरती साबळे, चित्रा चव्हाण व चालक पोलीस अंमलदार संजय कुलकर्णी यांनी केलेली आहे.