दहशतीचे वातावरण

या घटनेत फिर्यादी किरण उमेश राऊळ आणि त्यांची आई नगरदेवळा येथील घरी झोपलेल्या असताना दोन अज्ञात इसमांनी तोंडाला रुमाल बांधून घराच्या मुख्य दरवाजावर पेट्रोल ओतून आग लावली होती. या घटनेमुळे परिसरात दहशतीचे वातावरण निर्माण झाले होते. कोर्टाच्या आदेशामुळे पतीला पोटगी द्यावी लागणार असल्याने त्याने हा कट रचल्याचे तपासात स्पष्ट झाले.

‘धडा शिकवण्यासाठी…’

एलसीबीच्या पथकाने गोपनीय माहितीच्या आधारे गणेश बाबुराव पाटील (रा. कळमसरा) याला ताब्यात घेतले. सखोल चौकशीत त्याने हा गुन्हा फिर्यादीचा पती राहुल वसंतसिंग पाटील (रा. जामनेर) यांच्या सांगण्यावरून केल्याची कबुली दिली. राहुल पाटील आणि त्याची पत्नी किरण राऊळ यांच्यात न्यायालयीन वाद सुरू असून कोर्टाने राहुलला दरमहा २० हजार रुपये पोटगी देण्याचे आदेश दिले होते.

Indapur Crime : तरुणीचं आई आणि भावासमोर अपहरण, इंदापुरात अतिशय भयानक आणि डोकं चक्रावणारी घटना

त्या रागातून राहुलने पत्नीला धडा शिकवण्यासाठी दोन लाख रुपयांची सुपारी दिली होती. त्यापैकी एक लाख रुपये अॅडव्हान्स देण्यात आले होते.

आरोपी कुख्यात चोर

दरम्यान, आरोपी गणेश पाटील याच्याकडून केवळ जाळपोळच नव्हे तर महाराष्ट्र व गुजरात राज्यातील विविध जिल्ह्यांतून मोटरसायकल चोरी केल्याचेही उघड झाले. पोलिसांनी त्याच्याकडून पाचोरा, जळगाव एमआयडीसी, भोकरदन, शेगाव रेल्वे, बोदवड तसेच सुरत येथील एकूण नऊ चोरीच्या दुचाकी जप्त केल्या आहेत.

Strait of Hormuz: क्षेपणास्त्रं डागली, ‘तो’ मार्ग बंद; इराण जगाच्या गळ्याची नस दाबण्याच्या तयारीत; भारताला झळ बसणार

वरिष्ठ पोलीस निरीक्षक राहुल गायकवाड यांच्या मार्गदर्शनाखाली पीएसआय शेखर डोमाळे व त्यांच्या पथकाने ही कारवाई केली. पुढील तपास सुरू आहे.