नेमकं काय घडलं?

सीएसएमटी हे स्टेश नेहमीच गर्दीने व्यावरलेले असते. स्टेशनच्या रुळांवर लोकल गाडी येताना काही मिनिटे वाचावरण तणावाचे बनले होते. काही सजग मुंबईकरांनी ही घटना पोलिसांनाही कळवली. त्यानंतर तात्काळ रेल्वे पोलिस घटनास्थळावर दाखल झाले. परिस्थिती पाहून त्यांनी संबंधित तरुणाला सुरक्षितरित्या ताब्यात घेतलं, त्यानंतर पुढे होऊ शकत असलेला प्रकार टळला आहे.

सीएसएमटी स्टेशनवर लक्ष

दरम्यान, या गंभीर प्रकारानंतर पोलिसांकडून सीएसएमटी स्टेशनच्या सर्व फलाटांवर आणि हालचालींवर बारीक लक्ष ठेवण्यात आलं होतं. रेल्वे पोलिसांनी सदरील तरुणाची चौकशी सुरु केली आहे. तो हा प्रकार का करत होता, रुळांवर तो कसा पोहोचला याचीही माहिती मिळवण्याचा तपास पोलिस करत आहेत.

Satara Crime: ‘मी तुझ्यावर प्रेम करतो’, व्हॅलेंटाईन डेला शिक्षकाचं नववीतल्या मुलीसोबत भयानक कृत्य; शाळेतच विद्यार्थिनी….

तरुणावर गुन्हा दाखल

हा तरुण दारुच्या नशेत होता, तसेच हा तरुण स्टेशनवर भीक मागणारा असावा अशी प्राथमिक शक्यता वर्तवली जाते आहे. पोलिसांच्या चौकशी अंती याबाबतची सर्व माहिती समोर येणार आहे. तरुण दुपारी 3 वाजता फलाट क्रमांक 1 वर मद्यधुंद अवस्थेत रुळांवर झोपी गेला होता. या तरुणाच्या कृतीमुळे आता काही काळ रेल्वेसेवा विस्कळीत झाली. त्यामुळे त्याच्यावर रेल्वे कायदा कलम 145 अंतर्गत गुन्हा दाखल केल्याची माहितीही समोर आली आहे.

परंतू सदरील प्रकाराने काहीकाळ स्टेशनवरील वातावरण फार गंभीर बनले होते. असे प्रकार यापुढे तरी घडू नयेत यासाठी आता खबरदारी घेणं तितकचं गरजेचं आहे.