नाशिक येथे पुढील वर्षी सिंहस्थ कुंभमेळा होत आहे. सुमारे एक लाख भाविक येथे दररोज येण्याची शक्यता आहे. त्या दृष्टीने बारा ज्योतिर्लिंगांपैकी एक असलेल्या भीमाशंकर ज्योतिर्लिंग मंदिराच्या सर्वांगीण विकासासाठी गर्दी व्यवस्थापन आणि इतर सोयीसुविधांसाठी या विशेष विकास आराखड्यास मंजुरी दिली आहे.

Baramati Crime: रात्रीचा थरार, कोयत्याचा वार; पोलिसांचाही जोरदार पलटवार; प्रवाशांना अडवून लुटमार करणाऱ्या टोळीचा खाकीने केला करेक्ट कार्यक्रम
आराखड्याअंतर्गत भाविकांसाठी सुरक्षित, सुयोग्य व सुसज्ज सुविधा निर्माण करण्साठी विविध पायाभूत कामे हाती घेण्यात आली आहेत. या कामासाठीचे बांधकाम साहित्य, मोठ्या आकाराचे दगड, अन्य यंत्रसामग्री मंदिर परिसरात ठेवण्यात आली आहे.

कामांचे स्वरूप, भौगोलिक परिस्थिती आणि भाविकांची संख्या पाहता बांधकाम सुरू असताना मंदिर दर्शनासाठी खुले ठेवणे सुरक्षेच्या दृष्टीने धोकादायक ठरू शकते. भाविकांची सुरक्षितता अबाधित राखणे; तसेच आराखड्यातील कामे नियोजित कालमर्यादेत पूर्ण करण्याच्या उद्देशाने महाशिवरात्रीचा १२ ते १८ फेब्रुवारीचा कालावधी वगळून तीन महिन्यांसाठी मंदिर तात्पुरते बंद ठेवण्याचा निर्णय घेण्यात आला होता; परंतु सध्या सुरू असलेल्या बांधकामाचा कामाचा वेग, व्याप्ती आणि सुरक्षेच्या बाबींचा आढावा घेण्यात आला. मंदिर परिसरात मोठ्या प्रमाणात दगडी बांधकाम सुरू आहे; तसेच दगड आणि बांधकाम साहित्य हलविणे शक्य नाही. त्यामुळे महाशिवरात्री कालावधीत मंदिर दर्शनासाठी खुले ठेवणे सुरक्षिततेच्या दृष्टीने शक्य नसल्याचे निदर्शनास आले आहे.

Viral Video : खाकीचा थाट, लग्नाची वरात! चक्क पोलीस व्हॅनमधून निघालं वऱ्हाड, काय आहे नेमकं प्रकरण? व्हिडिओ प्रचंड व्हायरल
भीमाशंकर भागात ते सप्टेंबर या महिन्यांत मोठ्या प्रमाणात पाऊस असतो. त्या कालावधीत बांधकाम करणे शक्य नाही. सध्या कामांचा वेग पाहता भाविकांच्या सुरक्षेच्या दृष्टीने महाशिवरात्रीसाठी मंदिर खुले ठेवणे शक्य नाही. – जितेंद्र डुडी, जिल्हाधिकारी