रुग्णालयात नेले पण…

त्याला तत्काळ जिल्हा शासकीय रुग्णालयात नेण्यात आले मात्र तेथे तो मृत असल्याचे घोषित करण्यात आले. रत्नागिरी शहरातील क्रिडा क्षेत्रात नावाजलेलं नाव तसंच तरूण उद्योजक म्हणून प्रविण पवार अशी त्याची ओळख होती. त्याच्या मृत्यूने सर्व स्तरातून हळहळ व्यक्त करण्यात येत आहे. युवा स्पोर्टसचे मालक तथा रत्नागिरी टेनिस क्रिकेट क्षेत्रातील परिचित व्यक्तिमत्त्व प्रविण पवार यांचे शुक्रवारी दुःखद निधन झाले. चिंचखरी येथे सुरू असलेल्या क्रिकेट स्पर्धेत खेळत असताना त्यांना अचानक हृदयविकाराचा झटका आला. मैदानावरच ते कोसळल्यानंतर त्यांना तातडीने रुग्णालयात दाखल करण्यात आले, मात्र उपचारापूर्वीच डॉक्टरांनी त्यांचा मृत्यू झाल्याचे घोषित केले.

क्रिकेट विश्वावर शोककळा

प्रविण पवार यांच्या अकाली निधनाने रत्नागिरी टेनिस क्रिकेट विश्वावर शोककळा पसरली आहे. क्रीडा क्षेत्रात त्यांच्या योगदानामुळे ते खेळाडू,संघटक आणि क्रीडाप्रेमींमध्ये अत्यंत लोकप्रिय होते. त्यांच्या जाण्याने क्रिकेट क्षेत्राची मोठी हानी झाली असून सर्व स्तरांतून शोक व्यक्त केला जात आहे.

दिवंगत आत्म्यास शांती लाभो, अशी भावपूर्ण श्रद्धांजली क्रीडाप्रेमींनी अर्पण केली आहे. या घटनेने रत्नागिरी शहर परिसरातून हळहळ व्यक्त केली जात आहे राजकीय,सामाजिक, शैक्षणिक, क्रीडा आदी क्षेत्रातून शोक व्यक्त करण्यात आला आहे.

दरम्यान, सध्या हार्ट अटॅकने होणाऱ्या मृत्युंचे प्रमाण वाढतच चालले आहे. त्यामुळे हा एक चिंतेचा विषय बनला आहे. अनेक कलाकारांचाही यापूर्वी ह्रदयविकाराने मृत्यू झाला आहे.