हॉटेलमध्ये गुप्त बैठक

एमआयएमने महापौरपदाच्या निवडणुकीत माघार घेतली असली, तरी उपमहापौरपदासाठी आमदार पुत्र हाफिज अब्दुल्ला यांना रिंगणात उतरवले आहे. महापौर व उपमहापौर निवडणुकीची रणनीती ठरवण्यासाठी एमआयएमच्या नगरसेवकांची मुंबई-आग्रा महामार्गालगतच्या पाटणे शिवारातील एका हॉटेलवर गुरुवारी (दि.५) गुप्त बैठक पार पडली.
या बैठकीत शिवसेनेच्या महापौरपदाच्या उमेदवार लता घोडके यांना पाठिंबा द्यायचा की नाही, यावर खलबते झाली. दरम्यान, शिवसेनेचे स्थानिक पदाधिकारी ‘एमआयएम’चे नगरसेवक व मौलाना मुफ्ती यांच्या संपर्कात आहेत.

निवडणुकीत रंगत

महापौर-उपमहापौर निवडणूक चुरशीची होणार असल्याचे राजकीय घडामोडींवरून दिसून येत आहे. मालेगाव सेक्युलर फ्रंटकडून महापौरपदासाठी नसरीन शेख व ताहेरा शेख, तसेच उपमहापौर पदासाठी शान -ए-हिंद यांना उमेदवारी देण्यात आली आहे. तर, एमआयएमने महापौरपदाच्या निवडणुकीतून माघार घेत उपमहापौरपदासाठी हाफिज अब्दुल्ला यांना उमेदवारी दिली आहे. महापौरपदासाठी शिवसेनेने लता घोडके, उपमहापौरपदासाठी नीलेश काकडे व नरेंद्र सोनवणे यांना रिंगणात उतरवले आहे.

प्रचाराच्या तोफा थंडावल्या

दुसरीकडे, जिल्हा परिषद पंचायत समिती निवडणुकीनिमित्ताने गेल्या काही दिवसापासून प्रचारसभा, कॉर्नर बैठकामुळे राजकीय वातावरण चांगलेच तापले आहे. प्रचाराच्या तोफा गुरुवारी सायंकाळी थंडावल्या असून शनिवारी मतदान होणार आहे. त्यासाठी प्रशासन सज्ज झाले असून निवडणूक प्रक्रिया शांततेत व निर्भय वातावरणात पार पाडण्यासाठी सर्व यंत्रणा अलर्ट मोडवर आली आहे.