नदीलगत दलदलीसदृश्य भाग असल्याने रस्ता उपलब्ध नाही. यामुळे मालवाहतुकीसाठी रुळांवरून धावणाऱ्या ट्रॉलीची प्रथमच निर्मिती करण्यात आली. नदीवर असलेल्या डीएफसी पुलाच्या रुळांवर ही ट्रॉली चालवण्यात आली. त्यावरून ट्रकमध्ये भरून मालाची ने-आण करण्यात आली. यामुळे कमीत कमी वेळेत नदीपात्राला धक्का न लावता पुलाचे काम सुरू आहे.

टॉप स्लॅबसह गर्डर

टॉप स्लॅबसह दोन गर्डर अशा नाविन्यपूर्ण पद्धतीने गर्डरची उभारणी करण्यात आली. त्याचे वजन सुमारे २०८ टन आहे. हे गर्डर ट्रॉलीवरून पुलाजवळ आणण्यात आले. क्रेनचा वापर करून ६५ मीटर लांबीच्या गर्डर लॉन्चरच्या मदतीने त्याची उभारणी करण्यात आली. ट्रॉलीआधारित वाहनांमुळे क्रेनची वारंवार मदत घेण्याची गरज न पडता, काम पूर्ण झाले.

विशेष डिझाइनने खांबाची निर्मिती

नदीत खोल पायासाठीच्या खोदकामासाठी विशेष यंत्रणा तयार करण्यात आली. या ‘पाइल बोरिंग गॅन्ट्री’ यंत्रणेला रिसर्च डेव्हलपमेंट अँड स्टँडर्ड ऑर्गनायझेशनने याला मान्यता दिली आहे. चार टन वजनी हातोड्यांच्या मदतीने छेदणे आणि उपसणे अशा पद्धतीने २५ ते ३० मीटर खोलीपर्यंत अचूकपणे खांब उभारण्यात आले. पूल क्र. ९३ मध्ये चार यंत्रणा बसवून एकूण १६ खांबाचे बांधकाम एकाचवेळी शक्य झाले. एक हजार २०० मिमी व्यासाच्या आठ खांबांचा समूह यात आहे.