“आज सकाळपासून काम सुरु आहे. गॅस गळती बंद करण्यासाठी विविध प्रयत्न करण्यात आले. यामध्ये प्लास्ट ऑफ पॅरिस किंवा इतर केमिकल घटकांचा वापर करुन लिकेज बऱ्याच प्रयत्नात कमी करण्यात आले आहे. पण ते शंभर टक्के पूर्ण झालं नव्हतं. त्यामुळे त्याचा दुसरा टप्पा म्हणून पटली झालेल्या टँकरमधील गॅस रिकाम्या टँकरमध्ये भरण्यात आला आहे. एक टँकर आताच भरुन झालेला आहे. त्यानंतर आणखी दोन टँकर आणले आहेत. डिप्रेसराईज करुन गॅस ट्रान्सफर करण्याचं काम होईल. जसं त्यातून वजन कमी होईल, गॅस कमी होईल त्यानंतर क्रेनच्या साहाय्याने तो टँकर उचलला जाईल. दुसऱ्या वाहनावर बसवून तो मुहमेंट केला जाईल. त्यानंतर सर्व वाहतूक सुरळीत होईल”, अशी प्रतिक्रिया पोलीस अधिकाऱ्यांनी दिली.

“टँकरमधील केमिकल हे खूप ज्वलनशील आहे. ते कोची येथे भरण्यात आलं होतं. हे टँकर गुजरातच्या दिशेला जात होतं. औद्यागिक कामांसाठी या केमिकलचा वापर केला जातो. त्यामुळे सुरक्षेच्या कारणास्तव खूप काळजी घेऊन आपल्याला हे ऑपरेशन करावं लागलं. या कामासाठी कमीतकमी चार तास लागतील. सध्या NH48 मार्गाने वाहतूक वळवण्यात आली आहे. आम्ही वाहतूक विभागाला डायव्हर्जन प्लॅन देखील दिला आहे”, अशी प्रतिक्रिया वरिष्ठ अधिकाऱ्यांनी दिली.