ठाणे महापालिकेत महापौर आणि उपमहापौर पदाची निवड पार पडली आहे. इथे शिवसेना शिंदे गटाचा महापौर विराजमान झालाय. तर उपमहापौर पद भाजपच्या वाटेला आलं आहे. यानंतर आता विरोधी पक्षनेतेपदासाठी दोन्ही राष्ट्रवादींमध्ये रस्सीखेच सुरु असल्याचं बघायला मिळत आहे.
ठाणे महापालिकेत आयुक्त सौरभ राव यांच्या भेटीसाठी आलेल्या प्रधान यांनी बुधवारी पत्रकारांशी बोलताना “येत्या काळात दोन्ही राष्ट्रवादी काँग्रेस एकत्र येणे, हा एक भाग असून ठाणे पालिकेत विरोधी बाकावर दोन्ही राष्ट्रवादी काँग्रेस बसलेले असताना भ्रष्टाचारासारख्या चुकीच्या मुद्द्यांवर आम्ही एकत्र आवाज उठवण्याचे काम करु शकतो. भविष्यात दोन्ही पक्ष एकञ आल्यास राष्ट्रवादी काँग्रेसचे गटनेते नजीब मुल्ला हे अभ्यासू नगरसेवक आहेत. विरोधी पक्षनेतेपदासाठी पक्ष या नावाचा निश्चित विचार करेल”, अशी सूचक प्रतिक्रिया प्रधान यांनी दिली.
दरम्यान, ठाणे महापालिकेत राष्ट्रवादी काँग्रेसचे (शप) १२ आणि राष्ट्रवादी काँग्रेसचे ९ नगरसेवक निवडून आले आहेत. तसेच एमआयएमचे पाच नगरसेवक निवडून आले आहेत. या तिन्ही पक्षांनी आपली स्वतंत्र नोंदणी कोकण विभागीय आयुक्तांकडे केली आहे. त्यामुळे महापालिकेतील मोठा पक्ष हा राष्ट्रवादी (शप) ठरत असल्याने विरोधी पक्षनेतेपद हे आम्हालाच मिळायला हवे, अशी स्पष्ट भूमिका आता राष्ट्रवादीने (शप) घेतली आहे.
वरिष्ठ पातळीवर निर्णय अपेक्षित
याबाबत वरिष्ठ नेते येत्या काळात निर्णय घेतील. पहिल्या महासभेत हा विरोधी पक्षनेता ठरवण्यात येईल. तोपर्यंत या पदाचा नेमका दावेदार स्पष्ट होईल, अशी सावध प्रतिक्रिया राष्ट्रवादी काँग्रेसचे प्रवक्ते आनंद परांजपे यांनी दिली. मात्र विरोधी पक्षनेतेपदासाठी एमआयएची साथ घेणार का? या प्रश्नावर अधिक बोलणे परांजपे यांनी टाळले. दरम्यान, “विरोधी पक्ष नेतेपदाबाबत आम्ही सर्वच पर्याय खुले ठेवले असून वरिष्ठांशी चर्चा करूनच याबाबत अंतिम निर्णय घेण्यात येईल”, अशी माहिती राष्ट्रवादी काँग्रेसचे ठाणे महापालिका गटनेते नजीब मुल्ला यांनी दिली.
‘हा’ पर्याय खुला
राष्ट्रवादी काँग्रेस आणि एमएआयएमने एकत्र येण्याचा प्रयत्न केला. तरी त्यांनी आधीच स्वतंत्र गट नोंदणी केली असल्याने ती रद्द करावी लागेल. अखेर विलीनीकरण केल्यानंतर त्यांना विरोधी पक्षनेतेपद मिळू शकते, असाही पर्याय समोर येत आहे.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा