पिंकी माळी ही कलिना विमानतळावर अनेक विमान कंपन्यांमध्ये काम करत होती. तिने उपमुख्यमंत्री अजित पवार आणि एकनाथ शिंदे सारख्या व्हीआयपींसाठी खाजगी जेट फ्लाईट अटेंडंट म्हणूनही काम केले होते. पिंकीचे वडील शिवकुमार माळी यांनी सांगितले की, त्यांचं त्यांच्या मुलीसोबत अखेरचं बोलणं झालं तेव्हा ती अजित पवारांसोबत बारामतीला आणि नंतर नांदेडला जाणार होती. हे त्यांच्यातलं अखेरचं संभाषण होतं. तिचे वडील हे राष्ट्रवादीचे कार्यकर्ते असल्याची माहिती आहे.
Ajit Pawar: ..तर कदाचित हा अपघात टाळता आला असता, अजित पवार विमान दुर्घटनेबाबत मोठी माहिती समोर
वडिलांनी सांगितलं की, ती आज सकाळीच निघाली होती. जेव्हा त्यांनी टीव्हीवर पाहिले की, अजित पवारांचे विमान क्रॅश झाले आहे तेव्हा त्यांना धक्का बसला. नंतर टीव्हीवर बातमी आली की विमानातील सर्वांचा मृत्यू झाला आहे. या घटनेने कुटुंबाला मोठा धक्का बसला आहे.

पिंकी माळी ही 29 वर्षांची होती. चार वर्षांपूर्वीच तिचं लग्न झालं होतं. तिचा नवरा पुण्यातील एका कंपनीत मॅनेजर आहे. विमानात काय चूक झाली ते तर नंतर कळेलच पण मी माझी लेक गमावली आहे, असं तिचे वडील आक्रोश करत म्हणाले.

पिंकीचे वडील 1989 मध्ये दिल्ली विमानतळावर काम करत होतो. ते ड्राय क्लीनर म्हणून काम करायचे. त्यावेळी पंतप्रधान व्ही.पी. सिंग यांचे विमान होते. त्यांच्याकडून तेव्हा कामात थोडी चूक झाली, त्यामुळे त्यांना काढून टाकण्यात आलं होतं, असंही त्यांनी सांगितलं.
Ajit Pawar: अजित पवारांच्या विमानाचा अपघात कसा झाला, काय होतं कारण? मोठी माहिती समोर
पिंकी माळी हिने आतापर्यंत तीनवेळा अजित पवारांसोबत प्रवास केला होता. तिने यापूर्वीही अजित पवारांसोबत प्रवास करता आपल्या वडिलांशी त्यांचं बोलणं करुन देण्याचा प्रयत्न केला होता. मात्र, तेव्हा त्यांनी फोन घेतला नाही, त्यामुळे ते होऊ शकलं नव्हतं. आज पुन्हा ती अजित पवारांसोबत होती, त्यामुळे तिने आपल्या वडिलांना सांगितलं होतं की, ती आज त्यांचं अजित पवारांसोबत बोळमं करुन देईल. पण, ते प्रॉमिस अधुरंच ठेवून पिंकी कायमची या जगातून निघून गेली.