मुंबई : लोकल ट्रेनमध्ये किरकोळ कारणावरुन झालेल्या वादानंतर मालाड रेल्वे स्थानकात प्राध्यापक आलोक सिंग यांना चिमट्याने भोसकून ठार मारल्याच्या आरोपाखाली अटक करण्यात आलेला आरोपी ओमकार शिंदे याने पोलिसांना धक्कादायक माहिती दिली आहे. आलोकने मला महिलांसमोर ढकललं, अपमानित केलं, या भावनेतून मी संतापलो होतो. आलोकचा जीव घेण्याचा कुठलाही हेतू नव्हता, केवळ चिमट्याने टोचून पळ काढण्याचा इरादा असल्याचा दावा ओमकारने केला.
ओमकार शिंदे हा स्वभावाने ‘तापट’ असल्याचे पोलीस सांगतात. अटक झाली तेव्हा आलोकचा मृत्यू झाला आहे, याची त्याला कल्पना नव्हती, कारण त्याचा उद्देश फक्त चिमट्याने टोचण्याचा होता, असाही दावा त्याने केल्याचं वृत्त इंडियन एक्स्प्रेसने दिलं आहे.
नेमकं काय घडलं?
पोलिसांच्या म्हणण्यानुसार, बोरिवली लोकलमध्ये दरवाजाजवळ दोन महिला उभ्या होत्या, त्यांच्या मागे प्राध्यापक आलोक कुमार सिंग आणि त्यांचे एक सहकारी प्राध्यापक होते. तर आरोपी ओमकार शिंदे त्या दोघांच्या मागे उभा होता.
“आरोपीने सांगितले की जेव्हा त्याने पुढे जाण्याचा प्रयत्न केला, तेव्हा आलोकने त्याला ढकलले आणि विचारले की, दिसत नाही का पुढे महिला उभ्या आहेत. त्यामुळे महिलांनी मागे वळून पाहिले आणि ओमकारला अपमानित झाल्यासारखे वाटले,” असे एका पोलीस अधिकाऱ्याने सांगितले.
पोलीस अधिकाऱ्याने सांगितले की, घटनेची आठवण करुन देतानाही आरोपी चिडचिडा आणि रागावल्याचे स्पष्टपणे दिसत होते. ओमकारच्या वडिलांनीही पोलिसांना सांगितले आहे की, त्यांच्या मुलाला रागावर नियंत्रण ठेवता येत नसून ती शीघ्रकोपी आहे.
Bengaluru Crime : मॅच हरल्याने वाद, रोशनने दोनदा गाडी आपटून प्रशांतचा जीव घेतला, धक्कादायक CCTV फूटेज समोर
पोलिसांनी सांगितले की, त्यानंतर ओमकारच्या लक्षात आले की, त्याच्या बॅगमध्ये बनावट दागिन्यांच्या कामासाठी वापरला जाणारा चिमटा आहे. त्याने तो चिमटा बाहेर काढली आणि सिंगला टोचून धडा शिकवण्याचा व पळून जाण्याचा निर्णय घेतला.
“आलोकला जीवे ठार मारण्याचा आपला हेतू नव्हता, असा दावा ओमकारने केला आहे,” असे अधिकाऱ्याने सांगितले. ट्रेनचा वेग कमी झाल्यावर ओमकारने आलोकला एकदा चिमट्याने टोचले आणि तो पळून गेला. आलोक आपला पाठलाग करेल या भीतीने तो वेगाने पळून गेला.
“ओमकारला आलोकच्या मृत्यूची कल्पना नव्हती आणि म्हणूनच तो दुसऱ्या दिवशी रेल्वे स्टेशनवर आला, तेव्हा त्याला अटक करण्यात आली, तेव्हा त्याला धक्का बसला” असे त्या अधिकाऱ्याने पुढे सांगितले.
BMC News : एकनाथ शिंदेंच्या २९ नगरसेवकांची स्वतंत्र गटस्थापना ? भाजपची BMC मध्ये डोकेदुखी वाढणार
या प्रकरणाचा तपास करणाऱ्या बोरीवली सरकारी रेल्वे पोलिसांनी (जीआरपी) सांगितले की, हल्ल्यात वापरलेली चिमटा अद्याप सापडलेला नाही. पोलिसांनी सांगितले की, ओमकारने घरी जाताना तो चिमटा रस्त्यात फेकून दिला, पण त्याने नेमके ठिकाण सांगितलेले नाही.
मंगळवारी पोलिसांनी कुरार गावातील ओमकारच्या घरी झडती घेतली, परंतु चिमटा सापडला नाही. शिंदेला घटनास्थळी नेण्यात आले आणि सविस्तर पंचनामा करण्यात आला. त्याच्या कुटुंबीयांचे जबाबही नोंदवण्यात आले.
Alok Singh Death : आलोकच्या गर्भवती पत्नीचा टाहो, दिग्गज नेत्याची काळीज चिरणारी पोस्ट; महिलांसमोर अपमानाच्या रागाने ओमकार सणकला, पण…
आलोक सिंग यांना मालाड येथील जवळच्या रुग्णालयात न नेता, गर्दीच्या वेळी सुमारे ४.५ किलोमीटर दूर असलेल्या कांदिवली येथील शताब्दी रुग्णालयात का हलवण्यात आले, या प्रश्नावर उत्तर देताना एका वरिष्ठ रेल्वे अधिकाऱ्याने सांगितले की, “कार्यपद्धतीनुसार ते रुग्णांना फक्त सरकारी रुग्णालयात दाखल करतात आणि खाजगी रुग्णालये टाळतात, कारण वैद्यकीय बिलाचा खर्च कोण उचलणार याबाबत स्पष्टता नसते.”
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा