विक्रोळी टागोर नगरमधील आंबेडकर नगर परिसरात प्रजासत्ताक दिनानिमित्त 26 जानेवारी रोजी स्पीकर लावण्यात आलेला होता. तीन वर्षांची चिमुरडी धावत जात असताना स्पीकर तिच्या अंगावर कोसळून तिचा मृत्यू झाल्याची घटना घडली. या घटनेचा धक्कादायक सीसीटीव्ही व्हिडिओ समोर आला आहे.

चिंध्या गोळा करणाऱ्याच्या चुकीमुळे ही घटना घडल्याचे बोलले जात आहे. त्याच्या डोक्यावर असलेल्या चिंध्यांचा भार वायरमध्ये अडकून हा स्पीकर तीन वर्षांच्या मुलीच्या अंगावर तो पडला. या अपघातात ती गंभीर जखमी झाली होती, परंतु उपचारासाठी रुग्णालयात नेले असता तिचा मृत्यू झाल्याचे घोषित करण्यात आले. या प्रकरणी विक्रोळी पोलिस ठाण्यात गुन्हा दाखल करण्यात आला असून या घटनेचा पुढील तपास पोलिसांकडून सुरु आहे.

पुण्यात विविध अपघातांमध्ये तिघांचा मृत्यू

दुसरीकडे, पुणे शहर आणि परिसरात अपघातांची मालिका सुरूच असून, गेल्या दोन दिवसांमध्ये झालेल्या अपघातांमध्ये तिघांचा मूत्यू झाला आहे. पाषाण, पुणे–सोलापूर महामार्ग आणि मुंबई–बेंगळुरू बाह्यवळण मार्ग या पसिरांत तीन वेगवेगळे अपघात झाले. भरधाव वेगाने वाहन चालविणे जीवघेणे ठरत असल्याचे पुन्हा एकदा समोर आले आहे. या प्रकरणी विविध पोलिस ठाण्यांमध्ये तक्रारी दाखल करण्यात आल्या आहेत.
Bengaluru Crime : नवऱ्याची मागणी असह्य, अवघ्या 24 वर्षांच्या कीर्तीने आयुष्य संपवलं, माहेरची मंडळी म्हणाली, गुरुप्रसादने आमच्या लेकीची…
पहिली घटना पाषाण परिसरात घडली. या घटनेत भरधाव वाहनाच्या धडकेत ७३ वर्षीय ज्येष्ठ महिलेचा मृत्यू झाला. आशा विजयकुमार पाटील (वय ७३, रा. पाषाण रस्ता ) असे मूत्यू झालेल्या ज्येष्ठ महिलेचे नाव आहे. अतुल विजयकुमार पाटील (वय ५२) यांनी या प्रकरणी चतु:शृंगी पोलिस ठाण्यात तक्रार दिली. त्यानुसार वाहनचालकावर गुन्हा दाखल झाला आहे. पाषाण रस्त्यावरील राष्ट्रीय रासायनिक प्रयोगशाळा परिसरात शनिवारी ही घटना घडली. संबंधित महिला सकाळी सहाच्या सुमारास फिरत असताना भरधाव वाहनाने त्यांना धडक दिली. गंभीर जखमी महिलेला रुग्णालयात दाखल करण्यात आले. मात्र, उपचारांपूर्वीच महिलेचा मृत्यू झाल्याचे डाॅक्टरांनी सांगितले.
Alok Singh Death : आलोकच्या गर्भवती पत्नीचा टाहो, दिग्गज नेत्याची काळीज चिरणारी पोस्ट; महिलांसमोर अपमानाच्या रागाने ओमकार सणकला, पण…
दुसरी घटना मुंबई-बेंगळुरू बाह्यवळण मार्गावर घडली. या घटनेत रस्त्यात थांबलेल्या ट्रकवर मोटार आदळून मोटारीतील एकाचा मृत्यू झाला. भीमा राजेंद्र जाधव (रा. धायरी) असे मृत्यू झालेल्या व्यक्तींचे नाव आहे. मोटारचालक शुभम सुनील डुबळे (वय २७, रा. धायरी) याने या प्रकरणी आंबेगाव पोलिस ठाण्यात तक्रार दिली आहे. त्यानुसार ट्रकचालकावर गुन्हा दाखल करण्यात आला. शुभम आणि त्याचा मित्र भीमा हे दिवे घाट परिसरातील श्री कानिफनाथ मंदिरात दर्शनासाठी गेले होते. शनिवारी पहाटे पावणेतीनच्या सुमारास ते बाह्यवळण मार्गावरून निघाले होते. आंबेगाव परिसरातील बाबाजी पेट्रोल पंपासमोर रस्त्याच्या कडेला ट्रक थांबला होता. ट्रक चालकाने पाठीमागील दिवे सुरू ठेवले नव्हते. रस्त्यात अंधारात थांबलेला ट्रक मोटारचालक शुभम याला दिसला नाही. ट्रकवर माेटार आदळून मोटारचालक शुभम आणि त्याचा मित्र भीमा हे जखमी झाले. अपघातात गंभीर जखमी झालेल्या भीमा याचा मृत्यू झाला, अशी माहिती पोलिसांनी दिली.