“मला वाटतं उदय सामंत असं बोलले नाहीत. तुम्हाला स्पष्ट सांगायचं तर मी त्यांनाच फोन केला होता. मला त्यांनी सांगितलं की ते काय म्हणाले. त्यांचं वक्तव्य फार गंभीरपणे घेण्याची गरज नाही. मी शिवसेनाप्रमुखांचा शिवसैनिक आहे. उद्धव ठाकरे यांच्या नेतृत्वात काम करणारा शिवसैनिक आहे. त्यांच्यावर रोज टीका करतो म्हणून त्यांना पत्रकारांनी अशा पद्धतीने प्रश्न विचारला आणि त्यांनी म्हणून अशा पद्धतीने उत्तर दिलं. पण माझ्या टीकेचा जोर आणखी वाढेल हे देखील मी सांगतो. त्यांचं जे स्वप्न आहे ते पूर्ण होणार नाही”, असं रोखठोक प्रत्युत्तर अंबादास दानवे यांनी दिलं.
Girish Mahajan : ‘बाबासाहेबांची ओळख संपवायचं काम करायचं नाही’, गिरीश महाजनांवर गंभीर आरोप, नाशिकमधला नेमका वाद काय? वाचा A टू Z
“चर्चेला आपण काही करु शकत नाही. निश्चित काही लोकं मैत्रीमध्ये बसल्या-उठल्यावर बोलत असतात की, असं तसं. आता सगळेच लोक बोलत असतात. भाजपचे लोक ग्रामपंचायतीच्या लोकांनाही बोलत असतात”, असं अंबादास दानवे म्हणाले.

“मला असं वाटतं मी संघटनेचं काम करणारा शिवसैनिक आहे. आता नाही तर मागच्या 30 वर्षांपासून काम करणारा शिवसैनिक आहे. पक्षाने माझ्यावर खूप मोठमोठ्या जबाबदारी दिल्या आहेत. आताही माझ्यावर मोठी जबाबदारी आहे. ही जबाबदारी समर्थपणे पेलण्याची ताकद माझ्यात यावी ही मी शिवसेनाप्रमुखांकडे प्रार्थना करत असतो. बाकी मी संकटांना घााबरणारा शिवसैनिक नाही”, असंदेखील दानवे यांनी स्पष्ट केलं.
Sambhaji Bhide : ‘शरद पवार म्हणजे राष्ट्रद्रोही’, संभाजी भिडे यांचं वादग्रस्त वक्तव्य, राष्ट्रवादीची गुन्हा दाखल करण्याची मागणी
दरम्यान, अंबादास दानवे यांना यावेळी पत्रकारांनी शिवसेना आणि भाजपकडून पक्षप्रवेशाची ऑफर आली का? असा प्रश्न पत्रकारांनी विचारला. त्यावर त्यांनी “ती येत असते. लोकसभा निवडणुकीपासून ऑफर येत आहेत. त्याला काही अर्थ नसतो”, असं उत्तर दिलं.