BEST Bus Route: मुंबई महापालिकेनं मध्य आणि हार्बर रेल्वेचं महत्त्वाचं जंक्शन असलेल्या रेल्वे स्थानकाबाहेर सॅटिस उभारण्याचा निर्णय घेतला आहे. यामुळे बेस्ट बससाठी एक वेगळा मार्ग निर्माण होणार आहे. आता प्रवाशांना फेरीवाले, अनधिकृत दुकाने आणि रिक्षावाल्यांचा त्रास होणार नाही.
रिक्षा, फेरीवाले, दुकानांचा त्रास
मुंबई महापालिका आयुक्त भूषण गगराणी यांनी एल वॉर्डमध्ये जाऊन या प्रकल्पाची माहिती घेतली आणि प्रकल्पाला गती द्यावी, असे निर्देश दिले. कुर्ला रेल्वे स्थानकाच्या पूर्वेकडील बेस्ट बस आगार ते एस. जी. बर्वे मार्ग असा अर्धा किलोमीटरपेक्षा जास्त लांबीचा सॅटिस पूल असेल. या कामासाठी लवकरच निविदा प्रक्रियाही राबवली जाणार आहे. कुर्ला रेल्वे स्थानकाच्या पूर्व आणि पश्चिम परिसरात मोठ्या प्रमाणात रिक्षा, फेरीवाले, अनधिकृत दुकाने, दुकानांनी केलेली वाढीव बांधकामे असल्याने तो कायम गजबजलेला असतो.
Mahalakshmi Bridge: मुंबईत रेल्वे रुळांवरून जाणार ‘केबल-स्टेड’ पूल, 55% काम पूर्ण; महालक्ष्मी, सात रस्ता… कुठून-कुठे जोडणार?
म्हणूनच मोठ्या आकाराच्या आणि लांबीच्या बसगाड्यांना ये-जा करताना बरीच समस्या निर्माण होते. बेस्टचालकाला बस वळवतानाही मोठी कसरत करावी लागते. पावसाळ्यात तर समस्येत आणखी भर पडते. म्हणूनच या भागातील बेस्ट बसचा प्रवास कोंडीमुक्त करतानाच अन्य वाहनांनाही दिलासा मिळावा आणि या परिसरातील रहदारी सुरळीत व्हावी, यासाठी मुंबई महापालिकेकडून पूर्वेला स्थानकाबाहेर सॅटिसची उभारणी केली जाणार आहे.
Borivali Railway Station: बोरिवली रेल्वे स्थानक बनतंय स्मार्ट, आधुनिक तंत्रज्ञानामुळे नेहमी वेळेवर धावणार लोकल; कशी आहे नवी सिस्टीम?
ठाण्याप्रमाणे सॅटिस बांधणार
ठाणे रेल्वे स्थानकाबाहेर पश्चिमेला टीएमटी बससाठी सॅटिस आहे. तशाच प्रकारचा हा सॅटिस असेल. या सॅटिसवर बस थांबेही तयार केले जातील. यासाठी बेस्ट उपक्रमाने महापालिकेला सकारात्मक प्रतिसाद दिला. सॅटिस उभारणीनंतर त्याची जोडणी कुर्ला रेल्वे स्थानकाला दिली जाणार आहे. त्यामुळे रेल्वे स्थानकातून बाहेर पडताच या सॅटिसवर जाऊन प्रवाशांना आता रेल्वे स्थानकाबाहेर पडताच सॅटिसखाली बस उपलब्ध होतील. याशिवाय, सॅटिसच्या एका बाजूला इतर वाहनांसाठी पार्किंगची व्यवस्था केली जाईल. कुर्ला रेल्वे स्थानकाच्या पूर्वेकडील रिक्षा थांबाही थोडा दूर हलवण्याचे नियोजन आहे.
Sanjay Raut : शिवसेनाप्रमुखांचे फोटो राजकीय स्वार्थासाठी वापरतात, भाजपवर राऊतांचा निशाणा
कुर्ला रेल्वे स्थानकाबाहेर प्रवाशांच्या सोयीसाठी सॅटिस (SATTIS) उभारले जाणार आहे. यामुळे बस, रिक्षा आणि इतर वाहनांसाठी पार्किंगची सोय होणार आहे. तसेच, अनधिकृत बांधकामे हटवून रस्त्याचे रुंदीकरण केले जाईल. सॅटिसच्या बांधकामामुळे रेल्वे स्थानकाबाहेरील बेकायदेशीर बांधकामे पाडली जातील. महापालिकेने रस्त्याचे रुंदीकरण करण्याचीही योजना आखली आहे.
लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा