आठवडाभरात सर्व नावे जाहीर करा, अन्यथा…

विखे पाटील यांनी उपस्थित केलेले गंभीर प्रश्न उपस्थित केले. आरोपी पोलीस कर्मचारी शामसुंदर गुजर याची पारनेरवरून स्थानिक गुन्हे शाखेत बदली कोणाच्या शिफारशीवर झाली? एमडी ड्रग्स पारनेरमध्ये कोणाच्या घरी ठेवण्यात आले? या प्रकरणात सहभागी असलेले दोन व्यक्ती नेमके कोणाचे कार्यकर्ते आहेत? या सर्व प्रश्नांची उत्तर पोलीस अधीक्षकांनी जाहीरपणे द्यावीत, अशी ठाम मागणी करत विखे पाटील यांनी स्पष्ट इशारा दिला आहे. आठवडाभरात सर्व नावे जाहीर करा, अन्यथा ती नावे मी स्वतः जाहीर करेन. खाकीवर काळा डाग ड्रग्स रॅकेटचा पर्दाफाश पुणे ग्रामीण पोलिसांच्या स्थानिक गुन्हे शाखा व शिरूर पोलीस ठाण्याच्या पथकाने मंगळवार, 20 जानेवारी रोजी शिरूर शहरात केलेल्या कारवाईत 1 किलोहून अधिक मेफेड्रोन (MD) जप्त करत गॅरेज चालक शादाब शेख याला अटक केली होती.

मोठी बातमी: भुजबळांना ‘महा-दिलासा’! महाराष्ट्र सदन घोटाळ्यात ED कडूनही निर्दोष मुक्तता; आरोपांच्या फेऱ्यातून अखेर सुटका

तपासात धक्कादायक बाब समोर आली

अहिल्यानगर स्थानिक गुन्हे शाखेतील नार्कोटिक टेबल सांभाळणारा हवालदार शामसुंदर गुजर या रॅकेटमध्ये सहभागी होता.यानंतर पुणे ग्रामीण पोलिसांनी गुजरला अटक केली आणि अहिल्यानगर पोलीस दलाची प्रतिष्ठा अक्षरशः धुळीस मिळाली. या घटनेमुळे ड्रग्समध्ये खाकीचा हात? असा संतप्त सवाल उपस्थित होत आहे.

ड्रग्स प्रकरणामागे राजकीय हस्तक्षेप?

या संपूर्ण घडामोडींमुळे ड्रग्स प्रकरणात राजकीय आशीर्वाद आहे का? असा गंभीर प्रश्न आता जनतेतून विचारला जात आहे. पोलिस प्रशासन यावर मौन बाळगणार की कारवाई करणार, याकडे जिल्ह्याचे लक्ष लागले आहे.ड्रग्स प्रकरणातील मोठे मासे कोण? पोलिसांची नावे कधी जाहीर होणार? आठवड्यानंतर विखे पाटील काय उघड करणार? अहिल्यानगरचे राजकारण आणि खाकी दोन्ही सध्या संशयाच्या भोवऱ्यात आला आहे.

महापौर निवड मुंबईतून ठरणार

दरम्यान, सुजय विखे पाटील यांनी अहिल्यानगर महापौर निवड मुंबई स्तरावरून होणार असल्याची माहिती दिली.अहिल्यानगर महानगरपालिकेत महापौर पद ओबीसी महिलांसाठी राखीव असून, यासंदर्भात देवेंद्र फडणवीस, अजित पवार आणि पालकमंत्री राधाकृष्ण विखे पाटील यांची संयुक्त बैठक होऊन अंतिम निर्णय घेतला जाणार असल्याचे त्यांनी स्पष्ट केले.