नागरिकांची गैरसोय टाळण्यासाठी खासगी वाहनांचा वापर शक्यतो टाळावा आणि आवश्यक असल्यास मेट्रोचा पर्याय वापरावा, असे आवाहन पोलिसांकडून करण्यात आले आहे. या संदर्भात सह पोलिस आयुक्त रंजनकुमार शर्मा आणि अपर पोलिस आयुक्त मनोज पाटील यांनी पत्रकार परिषदेत माहिती दिली. स्पर्धा सुरळीत पार पाडण्यासाठी शहरातील प्रमुख रस्त्यांवर दुपारी १२ ते चार या वेळेत गरजेनुसार टप्प्याटप्प्याने वाहतूक बंद ठेवण्यात येणार आहे.

Pune News: पुणेकरांनो लक्ष द्या! उद्या पुणे, पिंपरी-चिंचवडमध्ये शाळांसह 6000 कंपन्या बंद; कोणासाठी सुट्टी जाहीर?

मात्र, स्पर्धेचा प्रारंभ व समारोप परिसर वगळता कोणताही रस्ता ३० मिनिटांपेक्षा जास्त वेळ बंद राहणार नाही, असे मनोज पाटील यांनी स्पष्ट केले. ‘स्पर्धा मार्गावर वाहने उभी करू नयेत. स्पर्धा पाहण्यासाठी येणाऱ्या नागरिकांनी रस्त्याच्या कडेला उभारलेल्या बॅरिकेड व स्टॉपलाइनच्या मागे उभे राहावे,’ असे आवाहन वाहतूक विभागाचे उपायुक्त हिंमत जाधव यांनी केले आहे. दरम्यान, या स्पर्धेसाठी कडक पोलिस बंदोबस्त ठेवण्यात आला असून, १२ पोलिस उपायुक्त, १९ सहायक पोलिस आयुक्त, ७८ पोलिस निरीक्षक, २४३ सहायक निरीक्षक व उपनिरीक्षक आणि चार हजार ३८१ पोलिस अंमलदार सहभागी असणार आहेत.

पुणेकरांच्या नावे नकोसा रेकॉर्ड! वाहतूक कोंडीत जगात पाचवे, तर देशात सर्वाधिक वाहतूक कोंडी ‘या’ शहरात

बंद ठेवण्यात येणारे रस्ते

(दुपारी १२ ते ४)
राधा चौक ते पूनम बेकरी (बाणेर-सूस रस्ता), पाषाण सर्कल ते राजीव गांधी पूल (विद्यापीठ रस्ता), राजीव गांधी पूल ते सेनापती बापट जंक्शन, सेनापती बापट रस्ता ते बालभारती,लॉ कॉलेज के शेलार मामा चौक, कर्वे पुतळा चौक ते वनाझ पौड रस्ता,नळस्टॉप ते सेनादत्त पोलिस चौकी, सेनादत्त चौक ते टिळक चौक, टिळक रस्ता, बाजीराव रस्ता, अप्पा बळवंत चौक ते राष्ट्रभूषण चौक, राष्ट्रभूषण चौक ते सावरकर चौक, सावरकर चौक ते महाराष्ट्र मित्र मंडळ, महाराष्ट्र मित्र मंडळ ते सेव्हन लव्हज चौक, सेव्हन लव्हज चौक ते डॉ. बाबासाहेब आंबेडकर पुतळा चौक (नेहरू रस्ता), पुणे स्टेशन परिसर घोरपडी जंक्शन परिसर, लाल महल चौक ते स. गो. बर्वे चौक, न. ता. वाडी चौक ते गरवारे चौक ते बालगंधर्व चौक (स्पर्धा समाप्त)

जंगली महाराज रस्त्यावरील दुकाने बंद ?

सायकल स्पर्धेचा समारोप बालगंधर्व रंगमंदिराच्या परिसरात होणार आहे. या पार्श्वभूमीवर जंगली महाराज रस्त्यावर सकाळी नऊपासून वाहनांसाठी नो-हॉल्टिंग आणि नो-पार्किंग असणार आहे; तसेच या रस्त्यावरील दुकाने बंद ठेवण्याबाबत स्थानिक पोलिसांनी आस्थापनांना नोटीस बजावली आहे.