तब्बल आठ वर्षांनी झालेल्या महापालिका निवडणुकीसाठी सर्वच राजकीय पक्षांकडून ज्येष्ठ नेत्यांसह तरुण फळीतील कार्यकर्ते उमेदवारी मिळवण्यासाठी इच्छुक होते. मात्र, उमेदवारी अर्ज दाखल करण्याच्या अखेरच्या क्षणी अनेकांच्या पदरी निराशा पडली.

उमेदवारी नाकारल्याने उघड नाराजी

कळवा येथील ज्येष्ठ नगरसेवक राजेंद्र साप्ते यांना शिवसेनेने उमेदवारी नाकारली. त्यांनीही याबाबत उघडपणे नाराजी व्यक्त केली. आनंद दिघे यांच्या कार्यकाळापासून सक्रिय असणाऱ्या साप्ते यांचा स्वीकृत नगरसेवकपदासाठी विचार केला जाण्याची शक्यता अधिक आहे.

ठाकरेंच्या शिलेदारासमोर पराभूत माजी महापौर

यासोबत शिवसेना (उबाठा) पक्षाचे उमेदवार शहाजी खुस्पे यांच्यासमोर पराभूत झालेले शिवसेनेचे माजी महापौर व पाच वेळा नगरसेवक झालेले अशोक वैती यांच्याही नावाचीही ‘स्वीकृत’साठी चर्चा आहे.
Vidhan Parishad Election : स्थानिक निवडणुका आटपल्या, विधानपरिषदेचा मार्ग मोकळा, भाजप रिक्त जागा राष्ट्रवादीला सोडणार?

दिघेंचे निकटवर्ती अशी ओळख

वैती समर्थकांनी समाज माध्यमांवर याबाबत मोहीम सुरू केली आहे. साप्ते यांच्याप्रमाणे वैती यांचीही दिघे यांचे निकटवर्तीय अशी ओळख आहे. उपमुख्यमंत्री एकनाथ शिंदे यांचे निवासस्थान असलेल्या प्रभागात शिवसेनेचा हा पराभव झाल्याने अनेकांच्या तो चांगलाच जिव्हारी लागला आहे. त्यामुळे वैती यांना संधी मिळण्याची शक्यता आहे.
Mumbai Mayor : मुंबईचं महापौरपद आरक्षित झाल्यास काय? महायुतीत ST सदस्याची शोधाशोध, ठाकरेंकडे दिलासादायक उत्तर

पक्षाने दिलेली जबाबदारी पार पाडल्याने संधी

दुसरीकडे, निवडणूक काळात पक्षाने दिलेली जबाबदारी लिलया पार पडणाऱ्या पदाधिकाऱ्यांच्या गळ्यात ‘स्वीकृत’ची माळ पडण्याची शक्यता अधिक आहे. भाजपचे ठाणे शहराध्यक्ष संदीप लेले यांना पक्षाकडून पुन्हा संधी मिळण्याची चिन्हे आहेत. तसेच, राजकीय क्षेत्र वगळता इतर क्षेत्रातील व्यक्तींना या ठिकाणी संधी देत नागरिकांचे प्रतिनिधित्व पुढे आणले जाण्याची शक्यता नाकारता येत नसल्याचे राजकीय जाणकारांचे म्हणणे आहे.