नागपूर महापालिका निवडणुकीत शरद पवारांच्या राष्ट्रवादी काँग्रेसला मोठा धक्का बसला आहे. 78 उमेदवार रिंगणात असूनही एकही जागा जिंकता आली नाही. या पराभवाची नैतिक जबाबदारी स्वीकारत शहराध्यक्ष दुनेश्वर पेठे यांनी राजीनामा दिला आहे. अंतर्गत गटबाजी, आघाडीतील तणाव आणि स्वबळावर लढण्याचा निर्णय या पराभवाला कारणीभूत ठरल्याचे दिसून येते.
या निकालातून नागपूर शहरातील बदलती राजकीय मानसिकता आणि पक्षीय समीकरणांतील अस्थिरता स्पष्टपणे समोर आली आहे. दुनेश्वर पेठे स्वतः उमेदवार असतानाही त्यांना पराभव स्वीकारावा लागला. भाजपचे नरेंद्र ऊर्फ बाल्या बोरकर यांनी त्यांचा पराभव करत निर्णायक विजय मिळवला. विशेष म्हणजे भाजप उमेदवाराने स्थानिक विकास, मूलभूत सुविधा, पारदर्शक कारभार आणि युवकांच्या प्रश्नांवर लक्ष केंद्रीत करत प्रचार केला होता. या मुद्द्यांवर मतदारांनी स्पष्ट कौल दिल्याचे निकालातून दिसून आले.
शरद पवरांच्या राष्ट्रवादीकडून मात्र पाच ते सात जागा जिंकण्याचा अंदाज वर्तवला जात होता. माजी आमदार प्रकाश गजभिये यांच्यासह अनेक अनुभवी नेते मैदानात होते. निवडणुकीच्या मध्यावर शिवसेना उबाठा आणि शरद पवारांची राष्ट्रवादी यांच्यात काही प्रभागांत परस्पर समर्थनाचा निर्णय झाला होता. मात्र ही रणनीती प्रत्यक्ष मतदानात परिणामकारक ठरली नाही. युतीचा लाभ मिळण्याऐवजी कार्यकर्त्यांमध्ये संभ्रम वाढल्याची चर्चा आहे.
राजकीय निरीक्षकांच्या मते, या पराभवामागे केवळ निवडणूक गणित नव्हे तर पक्षातील अंतर्गत विसंवाद, स्थानिक नेतृत्वाबाबत असमाधान आणि महाविकास आघाडीतील तणाव कारणीभूत ठरले. मागील निवडणुकीत राष्ट्रवादीचा एकमेव नगरसेवक असलेले दुनेश्वर पेठे यावेळीही पक्षाचा चेहरा होते. मात्र विधानसभा निवडणुकीत काँग्रेसचा दावा असलेली जागा राष्ट्रवादीने घेतल्याने निर्माण झालेली नाराजी पूर्णपणे मिटली नव्हती. त्याचा परिणाम याही वेळी झाला, अशी चर्चा आहे.
Thane News : ठाण्याचा ‘ढाण्या’ वाघ ‘मातोश्री’वर, उद्धव ठाकरेंनी दिली पाठीवर थाप, आता थांबायचं नाही!
काँग्रेससोबत आघाडी टिकवण्यासाठी प्रयत्न झाले होते. काँग्रेसकडून ११ जागांची ऑफरही देण्यात आली होती. मात्र अंतिम टप्प्यात आघाडी तुटली आणि राष्ट्रवादीने स्वबळावर निवडणूक लढवण्याचा निर्णय घेतला. हा निर्णय राजकीयदृष्ट्या तोट्याचा ठरल्याचे निकालातून स्पष्ट झाले आहे. या पराभवानंतर राष्ट्रवादीसमोर संघटन मजबूत करणे, स्थानिक प्रश्नांशी थेट जोड निर्माण करणे आणि आघाडीच्या राजकारणाचा नव्याने विचार करण्याचे मोठे आव्हान उभे ठाकले आहे.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा