मध्य रेल्वे
स्थानक : सीएसएमटी ते विद्याविहार
मार्ग : अप आणि डाऊन धीमा
वेळ : सकाळी १०.५५ ते दुपारी ३.५५
परिणाम : ब्लॉकवेळेत अप आणि डाऊन धीम्या मार्गावरील लोकल अप आणि डाऊन जलद मार्गावर वळवण्यात येणार आहे. यामुळे काही लोकल फेऱ्या रद्द राहणार असून, काही विलंबाने धावणार आहेत. घाटकोपर येथून सकाळी १०.१९ ते दुपारी ३.५२ या वेळेत सुटणाऱ्या अप धीम्या मार्गावरील लोकल सेवा विद्याविहार ते छत्रपती शिवाजी महाराज टर्मिनस, मुंबईदरम्यान अप जलद मार्गावर वळविण्यात येणार असून, त्या कुर्ला, शीव, माटुंगा, दादर, परळ व भायखळा स्थानकांवर थांबतील.

भोपळा शर्यत! अनोख्या स्पर्धेतून भाजप बाद; राष्ट्रवादी शप, मनसेत चुरस; पहिलं कोण? निकाल लागला
हार्बर रेल्वे
स्थानक : पनवेल ते वाशी
मार्ग : अप आणि डाऊन
वेळ : सकाळी ११.०५ ते दुपारी ४.०५
परिणाम : ब्लॉकवेळेत सीएसएमटी ते पनवेल, ठाणे ते पनवेलदरम्यान अप आणि डाऊन लोकल फेऱ्या रद्द राहणार आहेत. सीएसएमटी ते वाशीदरम्यान विशेष लोकल फेऱ्या चालवण्यात येणार आहेत.

ट्रान्स-हार्बर
मार्गावरही ब्लॉकचा परिणाम जाणवणार असून, पनवेल-ठाणे व ठाणे-पनवेल दरम्यानच्या काही लोकल सेवा रद्द राहतील. तथापि, ब्लॉकच्या काळात ठाणे ते वाशी-नेरुळ तसेच बेलापूर/नेरुळ ते उरण या मार्गांवरील सेवा सुरू राहणार आहेत.

BMC Result: ठाकरे बंधूंच्या हातून मुंबई निसटणार, हे आधीच ठरलेलं; निकालामागील ४ उघड गुपितं
पश्चिम रेल्वे
कांदिवली ते बोरिवलीदरम्यान सहाव्या मार्गिकेच्या कामासाठी ब्लॉक घेऊन कामे सुरू करण्यात आली आहेत. ब्लॉकमुळे आज, रविवारी १२० लोकल फेऱ्या रद्द राहणार आहेत, तर काही लोकल फेऱ्या विलंबाने धावणार आहेत. रेल्वेच्या पायाभूत सुविधांची सुरक्षितता आणि कार्यक्षमता राखण्यासाठी हा ब्लॉक आवश्यक असल्याचे प्रशासनाने स्पष्ट केले असून, त्यामुळे प्रवाशांना होणाऱ्या गैरसोयीबद्दल दिलगिरी व्यक्त करण्यात आली आहे.