सोलापूर महापालिकेत एकूण १०२ जागा असून बहुमतासाठी ५२ हा जादुई आकडा गाठावा लागणार आहे. या निवडणुकीसाठी महापालिकेच्या २६ प्रभागांतून शेकडो उमेदवार रिंगणात होते. यंदा भाजपने स्वबळावर निवडणूक लढवली असून त्यांना रोखण्यासाठी काँग्रेस, राष्ट्रवादी (शरद पवार गट), शिवसेना (ठाकरे गट), मनसे आणि माकप यांनी एकत्रितपणे ‘महाविकास आघाडी’च्या माध्यमातून आव्हान दिले आहे.

सध्याचे चित्र:

ताज्या कलांनुसार, भाजपने ५० हून अधिक जागांवर आघाडी घेत आपले वर्चस्व राखण्याचा प्रयत्न केला आहे. सोलापूर मध्य आणि दक्षिण मतदारसंघात काट्याची टक्कर दिसून येत आहे. भाजपचे पारडे सध्या जड वाटत असले, तरी काही प्रभागांत अपक्ष आणि वंचित बहुजन आघाडीने अनपेक्षित मते घेतल्याने निकालाची उत्सुकता शिगेला पोहोचली आहे.

भाजपचे खालील उमेदवार विजयाच्या उंबरठ्यावर

प्रभाग 1
१)गौतम कसबे अ अनुसुचित जाती
2)राजश्री कणके ब ओबीसी महिला
3)पूजा काशीद- क-सर्वसाधारण महिला
4)अविनाश पाटील-ड सर्वसाधारण

प्रभाग 4-
१)वंदना गायकवाड -अ (अनुसूचित जाती)
2)विनायक वितकर-ब(ओबीसी)
3)ऐश्वर्या साखरे–क(सर्वसाधारण महिला)
4)अनंत जाधव-ड-(सर्वसाधारण)

प्रभाग-8
1)गीता गवई-ब(सर्वसाधारण महिला)
2)बबिता धुमा-क(सर्वसाधारण महिला)
3)गौरीशंकर दर्गोपाटील-ड (सर्वसाधारण)
4)अमर पुदाले अ (सर्वसाधारण)

प्रभाग 10
१)उज्वला दासरी अ (ओबीसी महिला)
2)दीपिका यलदांडी ब(सर्वसाधारण महिला)
3)सतीश शीरसरला क(सर्वसाधारण)
4)प्रथमेश कोठे ड(सर्वसाधारण)

प्रभाग क्रमांक 22

भाजप उमेदवार आघाडीवर
1)दत्तात्रय नडगिरी -अ(अनुसूचित जाती)
2)अंबिका गायकवाड -ब(ओबीसी महिला)
3)चैताली जाधव -क(सर्वसाधारण महिला)
4)किसन जाधव-ड(सर्वसाधारण)

तुरुंगातूनच विजयाचा गुलाल! भाजपच्या शालन शिंदें विजयी

सोलापूर महानगरपालिका निवडणुकीतील प्रभाग क्रमांक २ मध्ये मनसे नेते बाळासाहेब सरवदे खून प्रकरणामुळे चर्चेत असलेल्या भाजप उमेदवार शालन शिंदें या कोणताही प्रचार न करता विजयी ठरल्या आहेत. खून प्रकरणात न्यायालयीन कोठडीत असतानाही शालन शिंदें यांनी शिवसेना (शिंदे गट) उमेदवार आफ्रिन पठाण यांचा तब्बल १०,७६७ मतांनी पराभव केला. उत्तर सोलापूरचे आमदार विजयकुमार देशमुख यांचे पुत्र डॉ. किरण देशमुख यांनी प्रभागात भाजपचे नेतृत्व केले. या धक्कादायक निकालामुळे सोलापूरसह राज्यातील राजकीय वर्तुळात खळबळ उडाली आहे.

लेखकाबद्दलसुनिल लाटेसुनिल प्रभाकर लाटे, हे एक पत्रकार आहेत. त्यांनी डॉ. बाबासाहेब आंबेडकर मराठवाडा विद्यापीठ येथून बी.ए व एम.ए. पत्रकारितेचं पदव्यूत्तर शिक्षण पूर्ण केलं आहे. कॉलेज जीवनातच ‘दैनिक दिव्य मराठी’मध्ये पत्रकारितेचं प्रत्यक्ष प्रशिक्षण घेतलं आहे. दोन वर्षे ‘लोकसत्ता डॉट कॉम’साठी ‘फोटोगॅलरी व वेबस्टोरी’ या विभागात काम केलं आहे. ते ६ ऑक्टोबर २०२५ पासून ‘महाराष्ट्र टाईम्स’ ऑनलाईनमध्ये कार्यरत आहेत. राजकारण, मनोरंजन, क्रीडा या विषयांच्या लिखाणात आवड आहे. याशिवाय काव्य लेखन, गीत लेखन आणि सादरीकरणातही स्वारस्य आहे. फोटोग्राफी, फोटो, व्हिडिओ संपादनातही खास रस आहे… आणखी वाचा